კოლხი მედეას დროს რომ გეცხოვრა
და რომ ენახე ჭაბუკს ელადელს,
შენც აგარჩევდა ალბათ... შესთხოვდა
ღმერთებს გეცოცხლა დიდხანს... ყველა დღეს

ფიქრში გალევდა სიყვარულისთვის,
არ უმუხთლებდა ასულსაც მეფის,
თავს გასწირავდა თქვენი გულისთვის,
დამილოცნია გზა უკვდავების.

მადლობა უფალს! ცხოვრობ სხვა დროში,
გავსებს კოცნებით დიდი... პატარა,
ვართ მასპინძლები ჩვენს სამშობლოში
და ერთმანეთის ვიცით გატანა.




ოთარ რურუა