*
მიუყვებიან ტყეები ტყეებს
და სად გიპოვო ალო და ლილე?!
მე ასე ვივლი ვიდრე და ვიდრე,
ვგრძნობ შენს სიყვარულს
და მამეტყველებ.
*
ათას მთის მიღმა, ათას გზის მიღმა,
შენ იცხოვრებდი, როგორც მისანი.
ვერ გაგიცანი, ვერ გამიცანი.
გვაქვს სიყვარული,
რაღაც თილისმად.
*
შენ მომენატრე და სხვა არავინ
იყო საღამოს მეათასედი,
როგორ წახვედი, როდის წახვედი
და წლების მიღმა დადგი კარავი,
სიმარტოვისა,
როგორც ასეთი.
*
სულში შემოდის შენი თვალები.
საღამოვდება პირას ცაცხვების.
შენ ზიხარ მარტო, მოდიან სხვები
და მელოდები, მე მელოდები.
შენ წვეთავ ჩემში მღვრიე
რკალებით.
*
ფანჯრიდან ჩანან რუხი ღრუბლები.
სულაც არ ვიცი, ახლა სადა ხარ.
ვდგავარ პირისპირ მღვრიე ქალაქთან.
მოდიან ჩემთან მტრები, უკლებლივ
და მილოცავენ, რომ შენ
აღარ ხარ.
*
რა უნდა წერას, შენ ის მითხარი,
დავწერო შენზე თუ ვინმე სხვაზე.
შენ ყველაფერი ისე ჩარაზე,
არაა ახლა ერთი მისხალიც
ჰაერის.
ვხმები
და ვგრძნობ არაფერს.