დაუთმეთ თქვენი ყურადღება გუშინდელ ამბავს,
გამოიგონეთ ყველა სიზმარი,
მთელი ცხოვრება ახდენას რომ აპროტესტებენ.
ცივი და მშრალი სიტყვებიდან უხამსი სუნი აქვს ნუგეშს
-არსებობისთვის უიმედო წინაპირობას.
და თუ გზა არ ჩანს...
და თუ გზა არ ჩანს...
და თუ გზა არ ჩანს...
დაივიწყეთ უბადრუკობა.
ბედი პირფერი უნდა იყოს, ეძებთ თუ მარხავთ
მზეს დასავლეთით. სიმშვიდეა სადაც თქვენ არ ხართ.
გადაიკიდეთ განაპირა ემოციები ტანზე და მხარზე,
გაიდგით ფესვი მათში ისევ, ვინც გისმენთ ახლა;
გაყევით სივრცეს, დაამსხვრიეთ შურის მარხილი,
ზედ რომ არასდროს აპირებდით ადგილის გაცვლას
ვინმესთვის, ნაცვლად მთელი სიმშვიდის.
პირობითია გადაფრენა ყველა სიმაღლის;
დასანგრევია შიშის კედელი.
უპირობოა გასვლა სხვა მხარეს
ხიდით, რომელიც საკუთარი ხერხემალია.