***
ცამ უჩვეულო იერით დაზრა
ამ უსასრულო ზღაპარში მითრა;
მე ვლოცულობდი ოდესღაც ტაძრად,
ტაძრად რომელმაც ,,ნახვამდის'' - მითხრა..
***
ჩემი სამზირალის ბექობს,
რამდენი უნახავს ძელქვა;
სადაც მეგობრობა მეფობს,
მრავალს დროებითი ერქვა.
***
დაღლილი ქარი ღმუოდა გუშინ,
გზა მიჰყებოდა ყვითელ კამიშებს,
ვიცი - ამინდი ტყესავით ქუში,
ფიქრებს წაშლის და ცაში გამიშვებს...
***
გულის ნაპირთან დამალავ კბოდეს,
ხან სისხლის ნაცვლად მოგდის ბალღამი,
როცა ასეთი სიცოცხლით კგვდები
უნდა დაღამდე...
***
მეფისთვის ერთი გვირგვინიც კმარა,
თუნდაც ეს იყოს სიცოცხლის შემდეგ...
***
ნუ აჯიბრებთ პოეტებს ერთმანეთს.
პოეზია დოღი ხომ არ არის?...
***
რა გაეწყობა.ითმენ, თან ხედავ,
ისმენ,კვდები ან მიმხელ მაშინვე:
დედამიწაზე ამდენი ხე და
მისგან ნაკეთი გემი მაშინებს.
***
პერიოდულად ნაცნობ რუკაზე
მადა ეხსნება
რეგვენს და ოხერს;
სახრეს იღებს და მიერეკება
ახალი მწყემსი მიითვლის ძროხებს...
***
ვისაც ჭაში ჩაუხედავს,
განა ყველას შეუძლია ზემოდან გადმოგხედოს?!...
***
გავხდი ოთახი, ვერასოდეს დალაგებული,
გარეთ თქორია...
ნახეთ თქორშია ბახთიარის შორი ღრუბელი,
დავინისლები, შეგეხები, ასე მგონია
გავხდები შენი, სამშობლოსკენ - ნაფეხურები.
***
ტყუილის არსებობა, წამლის კოლოფზე მითითებულ ვადაზე ხანმოკლეა.
***
იმპულსურ-რეფლექსურ რეაქციას, რომლიც მოდის
,,ხელოვანთა'' სიბრიყვიდან და უყურადღებოდ დარჩენილის ამბიციით არის გამოწვეული
- სირული ულტიმატუმი ეწოდება.
***
მოურიდებლად მერჩის სრულებით
ირონიულად ჰემინგუეი,
როცა სიცოცხლე მეჩურჩულება
-ამიტანე და შემიგუეო.