მზე არ იქნება, იქროლებენ შენი ქარები.
გზა არ იქნება, დაგაფეთებს ღამე უშვერი.
წყალში გახსენი ზნენაკლული შენი სიზმარი;
მოლოდინისგან იქნებ თავი გადაირჩინო.
არ დაიჯერებ - გაიჩეხა თურმე ედემი,
თურმე დედებსაც გაუშვილეს ყველა მებაღე.
არ გიფიქრია უსაშველოდ რისთვის ედები
ღობეს და ყორეს. დაგიხურეს რაც კი შეაღე
ალაყაფები, დარაბები, შუშაბანდები.
სხვა ნარგავებმა აითვისეს ახლა მიდამო...