.... ვფიქრობ ხმამაღლა ზღვაზე, რომელიც მზეს ისრუტავდა. მთვარეზე, რომელიც ბილიკს კვალავდა ზღვაში. ვარსკვლავებზე, რომლებიც შენი თვალებიდან წამოსულ შუქს ირეკლავდა. ღიმილზე, რომელიც უხმოდ ასდევდა სიტყვებს, ჩურჩულზე, რომელიც ჩუმი პოეზიით იყო სავსე, ფიქრზე, რომელიც ლექსებად იწერებოდა და ზღვის ნაპირას იღვრებოდა, მეგობრობაზე, რომელიც სალი კლდესავით იყო შეუვალი. სიყვარულზე რომელიც ათბობდა და ახალისებდა გულებს.... ვფიქრობ..... ულამაზესი პოეზიის საღამოებზე მთვარის ბილიკით განათებულ ზღვასთან ხმა ტალღას ერწყმოდა, ტალღა დაღლილი კაცივით ეხეთქებოდა ნაპირს. ეს იყო ყველაფრის ნაპირი და დასაწყისი მზერა მოწყვეტილ ვარსკვლავს მიჰყვებოდა და ოცნებად იკვრებოდა.... ძველი იკითხებოდა, ახალი იბადებოდა უმანკო ბავშვის ღიმილით. მე მთვარის ბილიკს მივყვებოდი ზღვაში ვარსკვლავების ქვეყნისაკენ.
...... არ მინდა, ძალიან შეგეჩვიო. არ მინდა, ორად გაგხლიჩო. არ მინდა, შენს თვალებში სევდა დავინახო.... მე ხომ შენ უზომოდ და სულის ტკივილამდე მენატრები. ის ღამე ჩვენი იყო, ასე მეგონა...უვარსკვლავებო და წყნარი ღამე, ტალღების ხმაური ახშობდა ჩვენი გულების ფეთქვას, ჩვენს შორის იყო უსიტყვო სიტყვა, არაფერი თქმულა, და ყველაფერი ითქვა. გაგიკვირდა? ჰო! მე იმ მრუმე ღამეში ვხედავდი შენს თვალებს - სითბოთი და სიყვარულით სავსეს. შენი ცხელი ხელისგულებიდან გადმოდიოდა სითბო ჩემში და გულამდე აღწევდა. მინდოდა მეთქვა და ვდუმდი... ვდუმდი და ვფიქრობდი, რომ ჩემს დუმილს გაიგებდი. ჰო! არ მინდა ძალიან შეგეჩვიო იმიტომ, რომ მეშინია შენი დაკარგვის... მე შენ მჭირდები!
.... შენ ახლა აქ ხარ, ჩემთან და იმდენად ახლოს, რომ მეშინია ამ სიახლოვის... ზღვა არის ჩემთან და მისი ტალღები ეფერება ჩემს სხეულს ქცეულს ქანდაკებად შენი სულის კარიბჭესთან მოტანილს. ჩემში ყველაფერია და არაფერი, ცარიელი ვარ და სავსე შენით, ხმაურიანი ვარ და მდუმარე შენთვის, მაკრთობს და მამშვიდებს შენი სიახლოვე, მინდა შენთან და გაგირბივარ, გზა იწყება და მთავრდება შენით, ეს გზა უსაშველოდ გრძელია და მოკლე, მხოლოდ ერთი ნაბიჯი მაშორებს შენთან. გულს მძიმე სარქველი აფარია მონატრების ნიშნად, ამ დუმილს მხოლოდ შენ თუ გაიგებ, მოდი ჩემთან და გულში ჩაიკარი ეს უსაშველო მონატრება სევდის ზღვად ქცეული და ჩემი თვალების მიღმა დამალული მხოლოდ შენთვის ამოსაცნობად. ჩემი სული ისეთი შიშველია, მე თვითონ მეშინია მისი სიშიშვლის.. მენატრები!
.... სიზმარს მომიყვება ზღვა... მეტყვის, როგორ შეისრუტა მზე შენი გაშლილი ხელისგულიდან. ჰო! სიზმარს მომიყვება ზღვა, ჩუმად იდუდუნებს და მერე ნაპირს დაეხეთქება გრძნობა დაცლილი კაცივით, უთქმელ სიტყვას რომ ვერ მიუხვდნენ... მე კი ამ სიზმარს მთვარეს გავანდობ და შენთან გამოვატან სიზმარს - ჩემს მონატრებაზე.
..... ცხოვრება მოკლე ფრაზებად დამდევს და ტკივილს მიგზავნის ყველა დილა დილა მშვიდობისაო! დილას კარს ვუღებ და ვცდილობ ტკივილი არ შემოვუშვა... ყავის მომწარო და მოტკბო გემო ტუჩებზე მიტოვებს სათქმელს.. ტუჩებზე, რომლებიც მამაო ჩვენოსავით ჩურჩულით იმეორებს შენს სახელს და ტკივილსა და ტკივილს შუა ვიწრო გასასვლელიდან შემოპარულ მზის სხივს ატანს სათქმელს შეგუბებულს სულში ოცნებად მომენატრეო!
... თუ მიიღებ ჩემს სულს, ქარად ქცეულს, გამოგიგზავნი, კარი ფართოდ გაუღე და გულში მოიქციე, მარგალიტის მძივად აასხი თითოეული სიტყვა და ყელზე მომახვიე. გაკვალე გზა და ნუ იფიქრებ იმას, რომ ჩვენ დროში აცდენილები გვქვია. ეს არც ისე რთულია, მაგრამ არც მარტივი. მარტივ მამრავლებად დავყავი გრძნობა, ჩემი გამოგონილი სამყარო, რომელიც შენად ვაქციე, ცხრაკლიტულში გამოგკეტე სხვებისათვის ვერშესახებად. ფიქრი დავყავი, დავანაწევრე, დავაქუცმაცე ვერწასაკითხად და მხოლოდ შენთვის ამოსაცნობად. ჰო!თუ მიიღებ ჩემს სულს ქარად ქცეულს, გამოგიგზავნი, კარი ფართოდ გაუღე, გულში ჩაიკარი და არსად გაუშვა... მას შენ სჭირდები.
კომენტარები |
ილუსტრაციები |
რეცენზიები |
|
10. მომეწონა+++++ მომეწონა+++++
9. დიდი მადლობა ყველას...ჩემი გულიდან წამოსული სიტყვების გაგებისათვის. :) დიდი მადლობა ყველას...ჩემი გულიდან წამოსული სიტყვების გაგებისათვის. :)
8. ბედნიერია ადრესატი/თუ ესმის ამდენი და თუა ამის ღირსი ეს აღარ ვიცი.
და ცოტა შურიანი სმაილი მნე ბი ტაკ ლუბიც:) ანუ აეთი სიყვარულის ნიჭინწუ არაა ჩემი:) ბედნიერია ადრესატი/თუ ესმის ამდენი და თუა ამის ღირსი ეს აღარ ვიცი.
და ცოტა შურიანი სმაილი მნე ბი ტაკ ლუბიც:) ანუ აეთი სიყვარულის ნიჭინწუ არაა ჩემი:)
7. სილამაზეა...:( 5 ყველაზე მოწონებულ ფრაზას წავიყვან თქვენი ნებართვით დღიურში. სილამაზეა...:( 5 ყველაზე მოწონებულ ფრაზას წავიყვან თქვენი ნებართვით დღიურში.
5. რამხელა ტკივილია გაბნეული... ღირს კი ამ ტკივილად ის, ვინც მოგვაყენებს მას? ნუ მიეჩვევით რა.... არ მემეტებით..... რამხელა ტკივილია გაბნეული... ღირს კი ამ ტკივილად ის, ვინც მოგვაყენებს მას? ნუ მიეჩვევით რა.... არ მემეტებით.....
4. ყავის მომწარო და მოტკბო გემო ტუჩებზე მიტოვებს სათქმელს.. ტუჩებზე, რომლებიც მამაო ჩვენოსავით ჩურჩულით იმეორებს შენს სახელს და ტკივილსა და ტკივილს შუა ვიწრო გასასვლელიდან შემოპარულ მზის სხივს ატანს სათქმელს შეგუბებულს სულში ოცნებად მომენატრეო!
qarad qceuli suli_yvelas ar SheuZlia hqondes, zogis suli iseTi mzimea, ver daaqvs zurgiTac_qaradqceva ki didi da faqizi sulis adsamianebs sheuzliat marto...:) ყავის მომწარო და მოტკბო გემო ტუჩებზე მიტოვებს სათქმელს.. ტუჩებზე, რომლებიც მამაო ჩვენოსავით ჩურჩულით იმეორებს შენს სახელს და ტკივილსა და ტკივილს შუა ვიწრო გასასვლელიდან შემოპარულ მზის სხივს ატანს სათქმელს შეგუბებულს სულში ოცნებად მომენატრეო!
qarad qceuli suli_yvelas ar SheuZlia hqondes, zogis suli iseTi mzimea, ver daaqvs zurgiTac_qaradqceva ki didi da faqizi sulis adsamianebs sheuzliat marto...:)
3. "არ მინდა ძალიან შეგეჩვიო იმიტომ, რომ მეშინია შენი დაკარგვის..."
"თუ მიიღებ ჩემს სულს, ქარად ქცეულს, გამოგიგზავნი, კარი ფართოდ გაუღე და გულში მოიქციე, მარგალიტის მძივად აასხი თითოეული სიტყვა და ყელზე მომახვიე. გაკვალე გზა და ნუ იფიქრებ იმას, რომ ჩვენ დროში აცდენილები გვქვია"
ღრმა ლირიზმია ამ პროზაულ ტექსტში... "არ მინდა ძალიან შეგეჩვიო იმიტომ, რომ მეშინია შენი დაკარგვის..."
"თუ მიიღებ ჩემს სულს, ქარად ქცეულს, გამოგიგზავნი, კარი ფართოდ გაუღე და გულში მოიქციე, მარგალიტის მძივად აასხი თითოეული სიტყვა და ყელზე მომახვიე. გაკვალე გზა და ნუ იფიქრებ იმას, რომ ჩვენ დროში აცდენილები გვქვია"
ღრმა ლირიზმია ამ პროზაულ ტექსტში...
2. ნელიკოს თავისი სამყარო აქვს. არ ცდილობს არავის მიემსგავსოს. პეპლის ფრთებივითაა ნელიკოს ნაწერი. ფარფატებს...სინათლისაკენ მიიწევს... ნელიკოს თავისი სამყარო აქვს. არ ცდილობს არავის მიემსგავსოს. პეპლის ფრთებივითაა ნელიკოს ნაწერი. ფარფატებს...სინათლისაკენ მიიწევს...
1. რამოდენიმე ძველი ჩანახატია.უბრალოდ მომინდა რომ მომეტანა. რამოდენიმე ძველი ჩანახატია.უბრალოდ მომინდა რომ მომეტანა.
|
|
მონაცემები არ არის |
|
|