ჩაასხით სულის ჭიქაში
დიდი დოზით ყურადღება და სითბო,
აანჯღრიეთ მზის ენერგეტიკულ სასმელთან ერთად,
დაამატეთ უხვად სიხარული, ხალისი და კისკისი;
ოდნავი სევდა მარილის ეფექტისთვის,
ოდნავი სიცივე, როგორც პატარა ყინულის ნატეხი,
რომელიც მალევე ჩადნება
და მხოლოდ სასიამოვნო სიგრილეს შესძენს
კოქტეილს,
რომ მწველმა გრძნობამ გულები
მთლად არ გადახრუკოს _ მიირთვით
კაფეში სახელად „სულის ოაზისი“.