გულში მჭირს, გულში, სიცოცხლევ,
შენ რომ ისარი მესროლე,
შენ რომ დამკოდე მზაკვრულად,
გული რომ გამიორგულე...

ახლა ვაწყდები ოთხ კედელს,
ჯიქივით ვებრძვი სიცოცხლეს,
ვაი, თუ ვეღარ გადავრჩე,
ვაი, თუ ვეღარ მოვბრუნდე.


სისხლში შხამად მაქვს სიტყვები,
სულში სისხლი სდით ჭრილობებს,
როგორმე უნდა გავუძლო
ხარკი ვუხადო სიცოცხლეს.

გულში მჭირს, გულში, სიცოცხლევ,
შენ რომ ისარი მესროლე,
მე თავგანწირვით ვიბრძოდი,
შენ - გული გამიორგულე...