პირველი შეხვედრა.

წამი,
საათი,
თვე,
დრო,

მეორე შეხვედრა.

თითქოს, მორიგი უმნიშვნელო ნაცნობი იყავი ჩემს ცხოვრებაში,
რომელიც ქრება

თვეობით,
წლობით,
სამუდამოდ.

რომელიც აღარ მემახსოვრება,
შიგადაშიგ თუ ამოტივტივდება გონებაში

ათასში,
მილიონში
ერთხელ.

მაგრამ წუხელ მესიზმრე და ამ ყველაფერს

წამებს,
საათებს,
თვეებს,
წლებს,
დავიწყებას,
გახსენებას,
უმნიშვნელობას,
მნიშვნელობას

თავიდან გავდივარ -

იქნებ
ყველაფერი
სხვაგვარადაა.