ზეზვამ და მზიამ და ტომმა და ანიკამ
კორონა ვირუსზე ატეხეს პანიკა.

ანიკა გამოდგა პანიკის მოთავე,
თუმც ახლა ოთხივე თანაბრად შფოთავენ.

ბანკირი, ხაბაზი, თერძი და მემშვილდე -
ყველანი, ყველანი, ყველანი შეშინდნენ.

შიშის ცეცხლს ნავთს ასხამს ახალი ამბები:
იყიდეთ საკვები, ნიღბები, აბები...

სანამ აქ შფოთია, შიში და განგაში,
ვიღაცის პაიკი იქ გადის დამკაში.

მიწა იყავით და გახდებით მიწავე,
წამალი ერთია - უფალი იწამეთ.