მე არც ლექსებში ვიბადები
და არც ლექსებად,
აქ ყოფნას სულ არ ვინატრებდი
ნერვი მეშლება!
ფინჯან ყავას და სიგარეტში
გავცვლიდი ლექსებს,
მისს, მე გისოსებს ვერ ვიგუებ,
ვერც ვინმეს წესებს.
მისს, არ მჭირდება მოგონილი
მწვანე სამყარო,
სადაც ვიქნები არ მსურს
მათი ქუდი ვატარო.
მისს, კვლავ ჩვეული განწყობა მაქვს
ამ გაზაფხულზე...



მისს, მართალი ხართ,
           
            კარის შიგნიდან დასაკეტად
                                     
                              უნდა დავბრუნდე!