დიდი პატივისცემით +2. ძალიან ძლიერი ლექსია იდეურად

არაჩვეულებრივი ნაწარმოებები გაქვთ :) პატივს გცემთ :)

ძალიან მომეწონა

თბილისში არყოფნის გამო, გვიან მომიწია აქ საკუთარი აზრის დაფიქსირება.
ძალიან მოკლედ ვიტყვი:

ჩვენი ''ქვეყნის "ანი" და "ჰაე" არც სუფრასთან უნდა მთავრდებოდეს, არც კამათით და თუნდაც ლექსების წერით...
დამეთანხმებით, ალბათ.
და ამისათვის თითოეული ჩვენთაგანი უნდა იღწვოდეს.
''მყოფადთან უბრად'' დგომა არაფერს გვარგებს. ასე ვიქნებით, თუ ყველას ისე  განეწყობა, რომ აზრი არ აქვს ფიქრს უკეთეს მომავალზე.

თბილისის ჰაერი კი ჭუჭყად მაშინ იქცევა, როცა ამის წინააღმდეგი არავინ აღმოჩნდება.
სანამ საზოგადოების ნაწილი მაინც, არ ურიგდება ქვეყნის სულიერი თუ ფიზიკური დაკნინების სასტიკ მცდელობებს, მე ვიამაყებ ქართველობით!.. და არ ვიფიქრებ, რომ მხოლოდ წარსულს უნდა მივტიროდეთ.

ნიკას ლექსები რომ არ უნდა მოენატროს აქაურობას, ამაზე კომენტარი ზედმეტად მიმაჩნია...

პატივისცემით!

ხოლო ბედკრულის, შენი ქვეყნის "ანი" და "ჰაე"
მთავრდება, სადაც იცლება სუფრა,
იმიტომა აქვს ჭუჭყის სუნი თბილისის ჰაერს,
იმიტომ ვდგავართ მყოფადთან უბრად!..

;)

:)

შენ მიშ ხარ არამედ რაღაც სხვა.......შენს სულს ვეხები თითქოს , როცა გკითხულობ, ძალიან ფაქიზ სულს......555555555

:)

წეღან დავაფიქსირე ჩემი, როგორც რუსები ამბობენ "ვაენნოე პრისუტსტვიე", მაგრამ ვხედავ ამან საქმეს არ უშველა, ამიტომ შემომყავს სამშვიდობო ძალები და ვიწყებ ტერიტორიების დაკავების ოპერაციას.
ნიკას რაც ეწყინა მიშამ ამისათვის ბოდიში მოიხადა და ამის შემდეგ ამ ამბის გაგრძელება არ ღირდა.
ორივე ავტორის პოეზია მომწონს და მე მგონი არც სხვებს არ შეაქვთ ეჭვი მათ სიძლიერეში.
Gემოვნებას რაც შეეხება (რაზეც მიუხედავად ანდაზისა პირველ რიგში დაობენ) ყოველთვის ხდება სკანდალების საბაბი.
ისე ბევრი მინახავს სკანდალით გაპიარებული ნაწარმოები, თუ ავტორი, რაც არც ამ ლექსს და მითუმეტეს მიშას არ ჭირდება.
მიუხედავად იმისა უნდა ეს ნიკას, თუ არა მისი ქმედებით მან ხალხის ყურადღება მოიზიდა და არა მგონი რომ ამ ყურადღებამ მიშას აწყინოს, იმიტომ, რომ დარწმუნებული ვარ მის ნიჭშიც და მჭერმეტყველობაშიც, იგი ნებისმიერ კრიტიკას საღად აღიქვამს და გაუმკლავდება...
ახლა თუ ჩვენ ნაწარმოებების შეფასება გვინდა შევაფასოთ და იმის განსაზღვრა ვის უფრო დიდი "ყურები" აქვს, მაგისთანა ყველაფრით ღმერთისგან დაჯილდოვებულ ადამიანს პიპინია და აგული ერისთავები იცნობდნენ და იგიც დაიღუპა საწყალი.
განაჩენი საბოლოოა და არ ექვემდებარება შემდგომ განხილვას!!!!!!!!!!!!!!!!!!!!!!!!!!!!!!!!!!!!!
გაიღიმეთ, ღმერთი ახსენეთ და ზედმეტი დაძაბვის გარეშე შეხედეთ სამყაროსაც და ერთმანეთსაც!!!!!!!!!!!!

დაბეჯითებით შემიძლია ვთქვა, თამარ, რომ არც ნიკასი და არც არასოდეს ვინმე სხვისი მხრიდან კრიტიკა (ასეთი კი არცთუ იშვიათად ყოფილა ჩემი შემოქმედებითი ცხოვრების მანძილზე) შეურაცხყოფად არ მიმიღია და არც არასოდეს მივიღებ - ესაა ჩემი ძირითადი ჯავშანი, რომ ეგეთ წვრილმან რაღაცებზე ნამდვილად არ ვღიზიანდები და ჩვეულებრივ ნორმად მიმაჩნია!

და ეს დისკუსიაც აქ ამ კრიტიკაზე არც არის დამყნობილი, თუ კარგად შეხედავს კაცი!. და, გითხრა სიმართლე, მე აქ წმინდა სალიტერატურო დისკუსიას ვერც ვხედავ! ასე რომ იყოს რა ჭირდა!

ხოლო, თუ რა ხდება და რატომ, მე თავადაც ვერ გამიგია, გინდა დაიჯერე და გინდა არა!

სამწუხაროდ - გვიან შემოვედი აქ, - ინტერნეტი არ მქონდა.

ის, რომ ნიკა ჩერქეზიშვილი ამ საიტზე ერთ-ერთი უძლიერესი პოეტია, - მგონი არავისში ტოვებს ეჭვის ნატამალსაც კი... და უბრალოდ არ მესმის, რატომ გადაიზარდა მიშას ლექსის ნიკასეული კომენტარი -ასეთ დისკუსიაში!...

ჩემდა სანმწუხაროდ უნდა ვთქვა, რომ ამ საიტის წევრთა 90 % ნებისმიერი ნაწარმოების კრიტიკას - საკუთარ შეურაცხყოფად აღიქვამს.
ხალხნო, გემოვნებაზე არ დაობენო და აქ თუ რამეზე დავობთ, - გემოვნებაა!

საკუთარ მაგალითს მოვიყვან, - ვერანაირად ვერ მოვიწონე ზოდიაკის ლექსები, მაგრამ ეს სრულიადაც არ ნიშნავს იმას, რომ სხვასაც არ უნდა მოსწონდეს ისინი...
და მითუმეტეს არ ნიშნავს, რომ მე და ლევანს (ზოდიაკს) უნდა გვქონდეს ურთიერთმტრობა! და თუ მას რამეს დავუწუნებ ან მოვუწონებ, - არ ნიშნავს, რომ ის საიტიდან უნდა გარბოდეს!

მიშამ აღწერა ის, რაც მოეწონა გერმანიაში მყოფს, - ის, რომ ოჯახურ შრომაში მთელი ოჯახი ერთად არის ჩაბმული!
აბა ის ჯობია, ოჯახის მთელი საქმე - ქალის მხრებზე რომ გადადის და ქმრები ან მხოლოდ ეზოში დგანან "ქარსაცავი ზოლის ხეებად" და ან  ბირჟას ამაგრებენ? სირცხვილია, როცა 30-50 წლის კაცები დგანან და ელოდებიან, რას იშოვის დედა, რომ მას ჩაუდოს დაფჩენილ პირში საჭმელი და მუცელი ამოუყოროს!
და ნურავინ მეტყვის, რომ ეს ასე არ არის! რელსების შტაბელებად რომ დავაწყო მასეთები, ნიკოფსიიდან დარუბანდამდე გავიყვან რკინიგზას, გადაჯდომის გარეშე!
დალოცა ღმერთმა, რომ ყველა ქართველ მამაკაცზე არ ვრცელდება ეს "ბრალდება"...

ასე რომ, ნიკა, შენც დარჩი ჩვენთან და მიშა, შენც ნუ მიიღებ ნურცერტ კომენტარს შეურაცხყოფად!
ორივე ძალიან მიყვარხართ!
:)

ლექსი რა თქმა უნდა კარგია, ნიკას კი მიუხედავად ჩემი ღრმა პატივისცემისა არ ვეთანხმები, საკუთარ სუბიექტურ აზრებს ძალიანაწონილი თქმა უნდა, იმიტომ, რომ ხე ნაყოფით შეიცნობა და არა  სხვათა დამცირების ხარჯზე ფონს გასვლით...

ნიკოლოზ არ წახვიდე ძმა! წინააღმდეგობა უნდა გადალახო კიარ უნდა გაექცე. ჩემი ძმური თხოვნა იქნება რომ ნუ წახვალ

სხვა საკითხია იდეურ, ესტეტიკურ შეხედულებათა სხვაობები და ვერც ამაში ვხედავ რაიმე საგანგაშოს. ადრეც  მითქვამს და ახლაც გავიმეორებ: ეს მიმდინარეობათა მრავალფეროვნებაც ( ბევრისთვის თავისი უკიდურესობებით მიუღებელი და გამაღიზიანებელი) ჩემთვის სავსებით მისაღებია.  უბრალოდ, უნდა მივეჩვიოთ ერთმანეთის აზრების, თუნდაც განსხვავებული, ჩვენთვის მიუღებელი აზრების ატანას. ეგ არის და ეგ. სალიტერატურო სივრცე იმდენად დიდი და ფართოა, რომ, დამერწმუნეთ, აქ ყველასვის არის ადგილი....

ღმერთმა დამიფაროს ნიკას წინააღმდეგ რამე ვთქვა... ის ჩემი უსაყვარლესი პოეტია... და როგორიც არის...პირდაპირი და შიშველი, ზუსტად ისეთი მიყვარს... და მარტო მე არ...ღმერთმა ამრავლოს მასეთი მოაზროვნეც და მასეთი პოეტებიც...

მე ჩემი აზრი ვთქვი ბუნკერებზე და სიმართლეა ეს...
ამხელა მიტიმგების ჩატარება არა მგონია საჭირო იყოს...

არავითარი "მამებისა" და "შვილების" ბრძოლა არ არის აქ, ჩემო გიო. ყოველშემთხვევაში, მე პირადად არც "მამების"  და არც "შვილების" თაობას არ მივაკუთვნებ ჩემს თავს და არც ე. წ. "მამების"თაობაში მომწონს და არც "შვილების" თაობაში ის, რაზეც ადრე სხვაგან და დღეს კი ზემოთ არაერთხელ გავამახვილე ყურადღება. საერთოდ, პოეტისთვის, ხელოვანისთვის ასაკის ცნება ჩემთვის ძალიან პირობითი ცნებაა. სხვა საკითხია იდეურ, ესტეტიკურ შეხედულებათა სხვაობები და ვერც ამაში ვხედავ რაიმე საგანგაშოს. ადრეც  მითქვამს და ახლაც გავიმეორებ: ეს მიმდინარეობათა მრავალფეროვნებაც ( ბევრისთვის თავისი უკიდურესობებით მიუღებელი და გამაღიზიანებელი) ჩემთვის სავსებით მისაღებია.  უბრალოდ, უნდა მივეჩვიოთ ერთმანეთის აზრების, თუნდაც განსხვავებული, ჩვენთვის მიუღებელი აზრების ატანას. ეგ არის და ეგ. სალიტერატურო სივრცე იმდენად დიდი და ფართოა, რომ, დამერწმუნეთ, აქ ყველასვის არის ადგილი....

საუკეთესო სურვილებით!

აქ რა უნდა ვთქვა...რავიცი...უბრალოდ,ცუდია..ალბათ კიდევ გამოჩნდა: ,,მამები და შვილები".
ესეც გაივლის---
ეს კი არა და მე და მამაჩემი ვდაობთ ათას რამეზე აზრთა სხვადასხვაობის გამო და ზოგჯერ სერიოზულადაც გვეძაბება ურთიერთობა)
მე ნიკას მინდა ვთხოვო,რომ დარჩეს აქ,იმიტომ რომ ძალიან ბევრს სიამოვნებას ანიჭებს თავისი შემოქმედებით და ერთი ლექსის ირგვლივ ატეხილი დავის გამო არ უნდა გააწბილოს მკითხველი,რომლებსაც არაფერი აქვთ საერთო ამ ,,დაპირისპირებასთან".

სხვა,რა გითხრათ,რით გაგახაროთ?:)
წავედი...

სრულებით ვეთანხმები ილტოსპირელს!!! ეს სიტყვები საზოგადოა და არა ერთ პიროვნებაზე მიბ,ული. მე მაპატიეთ მაგრამ პირფერი ნამდვილად არ ვარ!!! შენი საქმისა შენ იცი ნიკა!!! ფაქტი ერთია ამით ვერაფერს მიაღწევ. ვფიქრობ უფრო მომთმენი უნდა იყო და ყველაფერში საკუთარ თავს არ უნდა ხედავდე!!! თუ დაინახავ ესეც შენი პიროვნული პრობლემაა და არა ჩემი.

გაუწონასწორებლობა ადამიანის დამღუპველია!!! ის შემოქმედებითადაც განადგურდება!!!
სიკეთეს გისურვებ მეგობარო!!!

და ის რაც შენ ჩამოთვალე შენს ლექსებში ნამდვილად არ არის ასახული, მაგრამ გამიზნულად, ამ სიტყვებში შენი თავი ამოიკითხო ეს უკვეე საკუთარ თავთან ჭიდილია მეგობარო!!!

თუმცა სხვის შეხედულებებს, როგორც ვიცი არ იზიარებ...
რაც შენი შემოქმედების ჩარჩოებში არ ჯდება!!!
ბოლო პერიოდში რაღაც აგრესიული გახდი სხვების მიმართ,
მე ნამდვილად არ მაქვს შენი საწინააღმდეგო არაფერი და არც სხვას. დამიჯერე!!!

ნამდვილად არ ვარ შენზე ასეთი წარმოდგენის, ნიკა, და ეგ სიტყვებიც, დამერწმუნე,  კონკრეტულად შენზე არ არის ნათქვამი, ისინი ზოგადია, საერთო ტენდენციებზეა ნათქვამი და ძალიან გთხოვ, რომ შენს თავზე ნუ მიიღებ!

ნამდვილად ნიჭიერი პოეტი ხარ. მე ამას ძალაინ კარგად ვხედავ და მიხარია!

ოღონდ იყავი უფრო მეტად მომთმენი, იოლად ნუ წამოპილპილდები და ნურც ეჭვს შეიტან სხვათა პატივისცემასა და გულწრფელობაში შენს მიმართ! კრიტიკულად გამოთქმული აზრის ატანა - ეს შემოქმედის ყველაზე დიდი და საიმედო ჯავშანია! მე ნამდვილად გულწრფელად ვისურვებდი, რომ შენ ასეთი ჯავშნით აღჭურვილი პოეტი ყოფილიყავი!

პირდაპირ გეტყვი: შეძლებისდაგვარად ემოციების მოთოკვა, ცოტა მეტი თავმდაბლობა და შენ ერთ-ერთი საუკეტესო პოეტი და პიროვნება იქნები!

საბჭოური მენტალიტეტის  და გაურკვეველი სულიერი ორიენტაციის მქონე..

არაორიგინალური ნაკალმარების ავტორი..

გალაკტიონის, გრანელის სამადაშვილის, ჩანტლაძის გადამღერებაში დროის გამყვანი..

სულიერად გამოფიტული და ხორციელი ვნებების ამარა დარჩენილი..

ვაიპოეტი, რომელიც ათახსირებს და ხრწნის ადამიანთა ცნობიერებას..

დეგრადირებული ინდივიდი..

ადვილად სამართავი ობიექტი..

მხოლოდ საკუთარი თავის გატანაზე მოფიქრალი და სხვების ფეხებზე დამკიდებელი..

უცხოლექსიკური ტერმინოლოგიის და ბარბარიზმების დამამკვიდრებელი..

ქართული ენის დისკრედიტაციის მოსურნე..

ინდიფერენტული და უსაფუძვლო თვითკმაყოფილებაში ჩაკეტილი ქართული ცნობიერების მქონე..

და რა ვიცი.. ათასი უბედურება კიდევ..

ეს ყველაფერი ნიკა ჩერქეზიშვილის მახასიათებლებია ამ ადამიანების მიერ გაჟღერებული და არცერთი საიტელის მიერ თქმული არც ერთი საწინააღმდეგო სიტყვა..

მე გტოვებთ.. მეგობრებო..

იყავით კარგად..

შეიძლება ხანდახან.. ძალიან იშვიათად დავდო ხოლმე აქ ჩემი ნაწერები..

ვიტოვებ.. იმედს.. რომ არ მომკლავთ..

გამოხმაურებების სიუხვე და აზრიანობა მაფიქრებინებს, რომ არცთუ ამაოდ გავრჯილვარ ამ პატარა ლექსით და დიახაც სწორად ამირჩევია სამიზნე - ინდიფერენტული და უსაფუძვლო თვითკმაყოფილებაში ჩაკეტილი ქართული ცნობიერება, რომელსაც ჭირის დღესავით ეზარება "მკვახე შეძახილი"!

იცოცხლე სათქმელი ბევრიც იყოს და მეტიც! მაგრამ ერთბაშად ყველაფრის გამომზეურებისთვის, ალბათ, მართლაც, არ არის გამორიცხული, რომ ვინმემ სადმე ძველბიჭურად საქმეც  კი გაურჩიოს ავტორს და თუ ეს უკანასკნელი ძალაინაც გაჯიქდება, იქნებ იქვე "გაასუხაროს" კიდეც! ეს არაა ირონია. ეს სავსებით მოსალოდნელია განწყობებისა და ტონალობების იმ ფონზე, რაც, სამწუხაროდ, ჩვენში ჯერ ისევ ძალაშია!

თუმცა ამ სტრიქონების ავტორი არც ისეთი მიამიტია და არც ისე იოლად ხელწამოსაკრავი, რომ მსგავს სიტუაციებს არ ითვალისწინებდეს და მზად არ იყოს იმაზე უარესი თავდასხმებისთვისაც, რაც დღემდე მიუღია აღნიშნულ თემებზე წერისა და ლაპარაკისთვის!

ვისურვებდი, რომ ამ ფორუმს კიდევაც მეტი შემოქმედი შემოერთებოდა და კიდევაც უფრო მეტი სიმძაფრით ესაუბრა იმ საჭირბოროტო თემებზე, რომელიც, ამ შემთხვევაში, ამ ლექსმა წამოჭრა. ნურც ვინმე იმას იფიქრებს, რომ მე რაიმე მეწყინოს, თუნდაც  ის საუბარი მარტო ჩემს უარყოფასა და განქიქებას შეეხებოდეს. მე, ჩემდა საბედნიეროდ, იმუნიტეტი მაქვს გამომუშავებული და ესეთი პატარა რაღაცები არ მაღიზიანებს. ვთვლი, რომ ყველაზე უფრო რადიკალური აზრიც კი ჩემს წინააღმდეგ კი არ არის მომართული, არამედ ქვეყნის, მისი მომავლის ტკივილიდან მოდის და ისევე აქვს არსებობის უფლება, როგორც ყველაზე უფრო სათუთსა და გულჩვილ აზრს!

მადლობა ყველას უკლებლივ, ვინც აქ შემოდის და თავის კომენტარს ტოვებს. ჩემთვის ყოველ მათგანს დიდად ფასეული მნიშვნელობა აქვს!

ხოლო ბედკრულის, შენი ქვეყნის "ანი" და "ჰაე"
მთავრდება, სადაც იცლება სუფრა,
იმიტომა აქვს ჭუჭყის სუნი თბილისის ჰაერს,
იმიტომ ვდგავართ მყოფადთან უბრად!..

საუუცხოოდ დანახული რეალობა!!!

არაფერია ცუდი იმაში თუ ჩვენი ქვეყნის შვილებს ძილს დავუფრთხობთ და გამოფხიზლებისაკენ მოვუწოდებთ. ჭეშმარიტი პოეტისა და მწერლის მიზანიც ეს უნდა იყოს!!! არ უნდა დავივიწყოთ ქვეყნის წარმატებები და სასირცხვილო მარცხიც. ეს წარსულ საუკუნეებს ეხება.

დღეს კი მხოლოდ ყოველი ფეხის ნაბიჯზე გვხდება სანაგვე ურნები, მაგრამ ურნებს გარეთ მაინც იყრება ნაგავი. ამ ნაგვის გატანაზე და სამომავლო დასუფთავებაზე ვმსჯელობას წინ არაფერი უდგას!!!

ვისაც სურვილი აქვს არ ჩახედოს რეალობას თვალებში, ღმერთმა ხელი მოუმართოს... დღეს დეფიციტია ჭეშმარიტი ქართული პოეზიისა და პროზისა!!!

წერონა აბა მწერლებმა მხოლოდ პიროვნულ განცდებზე და სუიციდზე,... შეგრძნებებზე, როდესაც შესაძლებელია ადამიანი გამოიფიტოს სულიერებისაგან და დარჩეს მხოლოდ ხორციელი ვნებების ამარა!!! ეს გამართლებაა? დღევანდელი ვაი პოეტებიც ემსახურებიან ამგვარ თახსირობებს და ხრწნიან ადამიანის ქვეცნობიერს. რის შედეგაც დეგრადირებული ინდივიდი ადვილი სამართავი ხდება და არც კი ანაღვლებს მას მის გვერდით მდგომი პიროვნება. არ ფიქრობს მასზე, მხოლოდ თავის გატანაზე აქვს ორიენტირებული ფიქრები. სხვა კი ცალფეხზეც ჰკიდია!!! მაპატიეთ ვულგარული გამოთქმებისთვის!!!

დაუოკებელი სწრაფვა მაღალ მატერიებზე ჩაკვდა!!!
ნიჰილიზმმა საკმაოდ მოიკიდა ფეხი ჩვენსას!!!
კულტურა - ძალით სადემონსტარიცო სანახაობებს დაამსგავსეს!!!
არავინ ისწრაფვის, რომ სულიერი ამაღლდეს ჩვენში და დამკვიდრდეს საქმისადმი ერთგულება!!!
გაუთავებელი ჭარბსიტყვიანობა და უცხოლექსიკური ტერმინოლოგიის დამკვიდრება დოგმად იქცა. თუ რატომ ჩემზე უკეთ იცით.
ასევე ტაბუირებულია (პასუხს ვაგებ ჩენს სიტყვებზე) და არ ექვემდებარება შესწორებას ბარბარიზმების დამკვიდრება. ამით ენის დისკრედიტირებას ეყრება საფუძველი...

და რაღა მეტი ჩამოვთვალო?

უბრალოდ ერთი ფაქტია:

ჭეშმარიტი ქართველი მწერლები უნდა ემსახურებოდნენ ერის გამოფხიზლების საქმეს!!!
სხვა საქმეა მას როგორ მიიღებს საზოგადოება.
ერთი ადამიანი ვერაფერს გახდება.
მარტომან წიწამურთან განუტევა სული!!!
ასევე ელის დღეს ჭეშმარიტ მწერლებსაც. (ამ სიტყვებზეც ვაგებ პასუხს)

დღეს ორიენტირი ქართულმა ჭეშმარიტმა მწერლობამ უნდა გააკეთოს მრავალხმიანობაზე და აკეთონ ერის საქმე.
ეს გადარჩენაა ქვეყნის!!!

უნდა ვაღიარო, რომ ეს რაც ბოლოს სტრიქონებში ვიგულსხმე იდეალიზმის ღაღადია, მაგრამ შესაძლებელია სუფთა გულითა და ცისფერი მელნით!!!

გაიხარეთ ურაკელებო!!!
ჩემი სათქმელი მოკლედ ავსახე!!!
მიშას კი გულითადი მოკითხვა ჩემგან და უზომო მხარდაჭერა ჭეშმარიტ ქართულ საქმეში!!!
გაიხარე ძამია!!!

ისე მე თუ მკითხავთ, ქალმა ქალის საქმე უნდა აკეთოს და კაცმა კაცის...
ოჯახში ჰარმონია სხვა რამის ხარჯზეც შეიძლება იყოს... სიყვარულის ხარჯზე...(მაინცდამაინც ფანჯრების დაწმენდა არ არის აუცილებელი)
ნაგვის ბუნკერს რაც შეეხება: ექსკურსიებზე ყველა დავდივართ და ვნახულობთ იქ... მართლა ნაგვის ბუნკერებს...
ჩვენივე ნადგვლეფარს იქვე, რომ ვყრით და ღორებივით ვიქცევით...ესეც ჩვენა ვართ ქართველები, ხოდა მაღალმატერიებზე ცოტა უხერხულია ხოლმე ამის შემდეგ ლაპარაკი...მე მგონი ილტოსპირელიც ამას ამბონს...(ისე ყოველთვის მიკვირს ხოლმე,
როგორ ვახერხებთ, თან ვიყოთ მაღალი კულტურის, მაღალი ზნეობის ხალხი და თან ნაგვის ბუნკერებს ვამრავლებდეთ...? მე მგონი ესეც საოცარი ნიჭია...)

ყველას რაღაც გვაქვს
ყველაფერიც ვერ გვექნება სავსებით :)

1.მადლობა ნიჭისთვის.
2.მადლობა იმისთვის,რომ კითხვის დასმის სურვილი გამიჩნდა,ანუ დამაინტერესა ლექსმა.
3.მადლობა პასუხისთვის.

ვეცდები უფრო ზუსტად ვთქვა სათქმელი,აბსოლუტურად გეთანხმებით რომ ჩვენ  დიდი კულტურის ქვეყანა ვართ.მაგრამ ,სამწუხაროდ ყოფითი და პროფესიონალური კულტურა დღეს დეფიციტშია.


ლექსის კონტექსტი-გასაგებია.

მე  მომწონს სტილის მრავალფეროვნება ავტორში და გამიხარდა თქვენი სწორედ ასეთი  ლექსი-მაქსიმალურად სადა და განტვირთული ზედმეტი პოეტური სამკაულებისაგან.
ზიზილ-პიპილოები მე დიდად არც მიყვარს ხოლმე ლექსში,სუბიექტურად.
უბრალოდ მე რას ''გედავებით''( ბრჭყალებში).ყოფითი სურათი სამკაულების გარეშეც შეიძლება ძალიან ღირებული იყოს-''გაზაფხულის საღამოა მშვიდი,ხიდან ხეზე გადაფრინდა ჩიტი''უმარტივესი ყოფითი სურათია და თან...
მე უბრალოდ მგონია,რომ ამ ლექსში საერთოდ არ უნდა ყოფილიყო არანაირი სახე.
და ეს ლექსიკა,რომელიც მე დავაციტირე''ხუნდები``,``წვრთნიან გონებას საკუთარ მართვის``,``მყოფადთან უბრად ''ზედმეტია აქ.ცხადია ჩემი სუბიექტური აზრით.ანუ ლექსის ენა მაქსიმალურად სადა უნდა ყოფილიყო სულ ,ბოლომდე.
რაც შეეხება ფინალს-ზედმეტად დაღეჭილია და ლანგარზე მორთმეული მკითხველისთვის.აქ პირიქით ქვეტექსტის დატოვება და მკითხველისთვის სივრცის დატოვება ერთგვარი  ხიდის ამოსაშენებლად ავტორის სათქმელსა და მას შორის აჯობებდა.


და    ყოველგვარი კონრეტიკის გარეშე,ძალიან განზოგადოებულად-შემოქმედი ფასდება ბევრი პარამეტრით  (ოსტატობით.და ასე შემდეგ)  და ერთ-ერთი მნიშვნელოვანი არის ის რომ- თავისი მენტალობით წინ გაუსწროს  საზოგადოებას და მკითხველი მოამზადოს და  წაიყვანოს ამ სწორი მიმართულებით.''ჯანმრთელი ''ლიტერატურის მნიშვნელოვანი ფუნქცია ესაცაა მგონის:)

საინტერესო კომენტარებია,, ჩვენ,, ქართველებს გვაქვს ბევრი უარყოფითი თვისება, რომლის არქონის შემთხვევაში ზოგადი მდგომარეობა ქვეყნისა გაცილებით წინ წასული იქნებოდა,,

გერმანელი თანამშრომელები მყოლია ბოლო რამოდენიმე წლის განმავლობაში,, ვუკვირდები მის ქცევას, მის დამოკიდებულებას საქმისადმი,, ვკვირდები,,  მისი დისციპლინა, დეტალებისადმი ყურადღების გამახვილება,, კანონის სწორუპოვარი გატარება,,

მარტო გერმანელებზე არაა საუბარი,, მოხიბლული ვარ იაპონელების თვისებით უყვარდეთ საკუთარი ქვეყანა საქმით,,

საქმით სიყვარული კეთებას ნიშნავს,, კეთება წინ გადადგმული ნაბიჯია,, ხელშესახები ნივთი, დოვლათი,, ასევე ურთიერთდამოკიდებულებაში იგრძნობა სხვა სტილი,,

ბევრი ქართველი მწერალი ამბობს საკუთარი ქვეყნის ტკივილს,, საკმაოდ გაშიშვლებულად და ღიად,, ილია ამის მაგალითია,, მე დიდ მაგალითად მიმაჩნია ჩვენი ილია მართალი,,  მან სასტიკად გაამათრახა  ხასიათის თავისებურებები,

ჩვენი დღევანდელი მდგომარეობა შორსაა იდეალურთან,, უფრო მეტიც, გადაგვარებამდე მივდივართ,, რატომ? 

რაც კარგია ის აღსანიშნავია, რაც ცუდია ისიც უნდა გახდეს ფართო განხილვის საგანი,, ავადმყოფს ჭირდება მკურნალი , თორემ ჯანმრთელი ისედაც ჯანმრთელია,, (სტილი არ არის დაცული)
სახარებისეული სიტყვები კარგად აღწერს საქმისადმი დამოკიდებულებას,,





საუკეთესო სურვილებით,
განდი.
არწივი.

ჭანჭურია რა მართლა ეს ქვეყანა თქვენნაირი ადამიანების თავში..

ჰა.. მოგეშვებით მე "საბჭოური მენტალიტეტის" ახალგაზრდა (ეს არის ყველაზე ბრიყვული ბრალდება) - ყელს გამოგჭრიან და შენვე გაბრალებენ..

ჰოდა.. წერეთ და იკითხეთ.. და ამოიყვანეთ ასე ეს ხალხი ნაგვის ბუნკერიდან.. სასაცილო კია.. ღრმადპატივცემულ მიშას ეხება ეს სიტყვები და კიდევ იმათ.. ვინც თავის თავზე მიიღებს..

შორს ხართ.. მეგობრებო.. შორს..

Auf Wiedersehen!!

სამწუხაროდ, სათქმელი სწორედ იქ მივიდა, რაზეც მე ასეთი გულისტკივილით ვწერ ამ ჩემს ლექსში  ( და მთელ იმ ლირიკულ პოემაშც) - სვეტიცხოველი და გელათი რომ ააგეს ჩვენმა წინაპრებმა ოდესღაც, ეგ სულაც არ ნიშნავს , რომ ჩვენ დღეს მათი ღირსეული მემკვიდრეები ვართ. ჩამორჩენილსა და ბნელ რუსეთთან ერთად ჩანჩალმა ყველაფერი დაგვაკარგინა, თუკი რამ  წსიერი გაგვაჩნდა და დავრჩით ასე ხაროში ჩაჩეხილები. ზემოთ წეღან ვიღაცამ ძალიან მოსწრებულად ქართველი პერსონის მენტალიტეტი ახსენა. დღეს ეს მენტალიტეტი, ჩემთვის, პირადად, ამაზრზენია. ჭუჭყში ვცურავთ და გვსიამოვნებს, გახედებაც კი არ გვინდა იქით, საიდანაც სინათლე მოდის...

შენს ქვეყანას ლანძღავო, - მეუბნები. კი არ ვლანძღავ, ვტირი, რომ ასეთ სავალალო სიტუაციაში ვართ ჩავარდნილნი და ვეხვეწები ქართველს, გამოიღვიძე, ვეცადოთ ამ ნაგვის ბუნკერიდან ამოსვლას, ეს ცუდია და იმასაც კი უკარგავს ფასს, რაც ჩვენს წინაპრებს კარგი გაუკეთებიათ, რაც მართლა ღირებული და მშვენიერი გაგვაჩნია  მეთქი!

დანარჩენი ყველაფერი წვრილმანებია, მეორეხარისხოვანია, რაზეც აქ უყურო საუბარი წავიდა. მთავარი მაინც ჩვენი მენტალიტეტის, სულიერი ორიენტაციის საკითხია. და მე გული იმაზეც მწყდება, რომ ეს სავალალო საბჭოური მენტალობა ახალგაზრდების რაღაც გარკვეულ ნაწილში ჯერ კიდევ კიაფობს...

რაც შეეხება ციტირებულ სტრიქონებს და "რითმების პრიმიტიულობას", ვერც მაგაში დაგეთანხმები, მანდ პრიმიტიული არაფერია და რითმებიც იეთივე ნორმალურია, როგორც დანარცენ სხვა შემთხვევებში! საერთოდ კი, რითმების საკითხი ასე გაბედულად არ უნდა წამოვჭრათ ხოლმე,როდესაც შეიძლება ვინმემ საკუთარი ნაკალმარისკენაც მიგვახედოს და იქ ამ მხრივ რაიმე ორიგინალურის ძებნაში ამაოდ გაილიოს წუთისოფელი!

მე, უბრალოდ, თავს არ ვაძლევ ხოლმე უფლებას, თორემ ამ ჩვენს "პოეტებს" რომ მხოლოდ გალაქტიონის, ტერენტი გრანელის, ნიკო სამადაშვილისა და შოთა ჩანტლაძის გადამღერებაში გაყავთ დრო, ამის ილუსტრირებას სულ არაფერი უნდა!

სიმშვიდისა და სულიერი გაწონასწორების სურვილით

    სამწუხაროა, ლიტერატურულ საიტზე, სადაც წესით სიმშვიდე უნდა სუფევდეს, ერთმანეთს გემოვნებაზე რომ ეკამათებიან. ბატონი მიხეილი რომ უდავოდ კარგი პოეტია, არა მგონია ამაზე ვინმე შემედავოს. ვფიქრობ, სხვა რომ არაფერი დაეწერა "როშკასთან"-ამ ლექსით აღიარებდნენ მარტო. ნიკას ლექსები, თითქმის ყველა ჩემს პირად დღიურში გადმოვიტანე და ამ ზაფხულს, დასასვენებლად რომ წავალ, თან უნდა წავიღო. არ მობეზრდა ურკაპარაკს ასეთი სახის დავები? შევეცადოთ რაც შეიძლება ნაკლებად ვაკრიტიკოთ სხვები და არ დავუკარგოთ ერთმანეთს წერის ხალისი ;;)

ჩვენთან? ოცი წლის ვაჟკაცებიც რჩებიან ხუნდად.........

ამიტომ მიდის გერმანია მაღლა და მაღლა,
ისე შორს, შენ რომ ფიქრსაც ვერ ბედავ.

გერმანიას რა უჭირს,სულ რომ აღარსად წავიდეს.... მართლაც რომ შესაშურია მათი შრომისმოყვარეობა,პუნქტუალურობა,წესრიგი.... რაკი სხვისაა,მიტომ ვაგინოთ?.. და დღეს ჩვენთანაც ბევრი ითქვამს სულს "ფაშისტურ გერმანიის" დაბროთი.... დღევანდელ შერეულ ქორწინებებზე აღარაფერს ვამბობ...

ჩვენ ვიკითხოთ თორემ....

ამ ბოლო დროს გერმანიის მოგონებები დაგჩემდათ,  ბატონო!  :)

არ შემიძლია არ დაგეთანხმოთ, საქართველო და გერმანია ორი რადიკალური პოლუსია,

თავისი ცხოვრების სტილის თვალსაზრისით  :(

. და არ ვიცი ეს``დისონანსი`` ლექსიკის აქ ``უნისონში`` მუშაობს თუ პირიქით,ხელს უშლის
ლალი. 2009-06-12 12:00:40


ლალი, თუ გამოვალთ იქიდან, რომ ეს ლექსი ძალიან მიზანმიმართულად და ყოველი სიტყვის გააზრებით არის დაწერილი, მაშინ უნდა ვთქვათ, რომ მასში არაფერი არაფერს ხელს არ უშლის!

ყოველგვარი ზედმეტი თავმდაბლობის გარეშე უნდა ვთქვა, რომ როდესაც ლექსს ვწერ, ლამაზ, ფრთიან სიტყვათა მთელი  ლეგიონები სულ თავპირისმტვრევით აწყდებიან ჩემს პოეტურ აღმაფრენას და ნამდვილად არასოდეს მაქვს სამკაულთა მი-მოფენის დეფიციტი, მაგრამ არის მომენტები და არის თემატიკა, ლექსი, რომელსაც არ ჭირდება ხოლმე ეს ბაბუაწვერა სიტყვათა კორიანტელი და ასეთ შემთხვევაში მე, რაღა თქმა უნდა, თავს ვიკავებ, მეჩხერად ვალამაზებ სათქმელს და აქცენტიც სულ სხვა რამეზე გადამაქვს...

ასე, რომ...

ჩინურად ვლაპარაკობ?..

მერე - გეყოთ რა მართლა ეს თვალებში ნაცარის ყრა.. შე კაი კაცო.. თუ შეგეშალა გეთქვა მერე.. შემეშალაო.. ძალიან ძნელი იყო?.. გაცადე მე.. გქონდა დრო.. იმიტომ რომ სწორედ მაგ პირდაბჩენილმა ირონიულმა "სმაილმა" გამაბრაზა სხვა უფრო მნიშვნელოვანის გარდა.. რომ მოყევი და გააშვანშვალე მაგხელა მეორე კომენტარი.. მიგეწერა ორი სიტყვით რომ შემეშალა "სმაილიო".. მაგრამ.. არ შეგშლია არაფერი.. დანარჩენი ჩვენ-ჩვენ სინდისზე იყოს.. სისულელეა ახლა აქ რამე გიმტკიცო.. არც არის ჩემი საქმე.. დაცინვით კი ვისთვისაც დაგიცინიათ და გადმოგიხედიათ ზევიდან დასცინეთ და გადმოხედეთ ისევ იმას.. ამაზე მოვრჩი..

მერე "მიზანზე".. მე არ მაინტერესებს ავტორმა რას და ვის დაუმიზნა ნაწერი.. არც ავტორს უნდა აინტერესებდეს წესით.. ეს მკითხველის თავისუფლებაა და ვისაც როგორ დაარტყამს ისე გაგიგებს და იგრძნობს.. ამ შემთხვევაშიც შენ რას და ვის დაუმიზნე.. ეგ შენი საქმეა.. მე ჩემი აზრი და შეხედულება შემექმნა ამ ყველაფერზე და დავწერე რა და როგორ..

ჰო.. გერმანელები გადათარგმნიან ამ ნაწერს.. აბა.. რას იზამენ.. შენს ქვეყანაზე ამბობ რომ ნაგვის ბუნკერიაო და იმათ ეუბნები რძე გდითო და არ გადაგითარგმნიან?.. აქ უეჭველი უნდა ვთქვა: ვაი.. ჩვენს პატრონს.. მაგრად ვაი.. შენს ქვეყანას ლანძღავდე კაცი და თან უცხო ენებზე თარგმნიდე.. საქებარია და საამაყოა ეგ?.. წაიკითხავენ მერე ამას უცხოელები.. ვინც აქ არასოდეს ყოფილა და ჯერ ხომ ჩამოსვლის სურვილს დაკარგავს და სვეტიცხოველის და გელათის ნახვა არ ეღირსება და თან დაგვაყოლებს: ფუჰ.. შვაინო..

ჰოდა ბოლოს.. სტრიქონები დაგიკოპირე და ჰა კიდევ:

(ეზოში ყვავილთ წალკოტი ყვავის)

ისედაც ბზინავს კედლები ლამის.

მაქვს აღტაცება ზომაზე მეტი:

შრომის ფერხულში ბავშვების ჩართვით.

და რავიცი.. ხომ არ დავაკოპირებ ყველაფერს?.. რითმების პრიმიტიულობაზე აღარაფერს ვამბობ..

რიდი1

ზოგიერთი რამ ვერ გავიგე, ვერ მივხდი.

უფრო გასაგებად რომ მეტყოდეთ თქვენს სათქმელს, ნამდვილად მადლობელი დავრჩებოდი!

მაპატიეთ, აზრის გამოტანა გამიჭირდა!

ხოლო ბედკრულის, შენი ქვეყნის "ანი" და "ჰაე"
მთავრდება, სადაც იცლება სუფრა,


ჰო, სამწუხაროდ ძალიან ხშირად არის ეგრე .. :(
ძალიან საჭირბოროტოა
და რატომღაც ისევ ილია გამახსენდა. კომენტარების მიხედვითაც - მასაც ასევე სდებდნენ ბრალს საკუთარი ქვეყნის ცუდის სააშკარაოზე გამოტანისათვის.

ჭუჭყს დამალვით ვერაფერს უშველი.. ვერც გაჩუმებით.. უნდა გაირეცხოს უბრალოდ..
:)

ნიკა, ნუ ბრაზობ! ეგ სმაილი შეცდომითაა, ღიმილის სმაილი მინდოდა დამედო და შეცდომით ეგ მოხარხარე ამოხტა!

"მიზანი" არ ვიციო და აბიაბრუებ მერე ამ კეთილშობილ სიტყვას! "მიზანს" რა ცოდნა უნდა, უმიზნოდ და უმიზეზოდ რომ არაფერი ხდება, ამაზე, მგონი, არ ღირს კამათი. უმიზნოდ, შენ წარმოიდგინე, აი, ეს კომენტარებიც კი არ იწერება, რმლებსაც ეხლა ჩვენ აქ ვკითხულობთ და ლექსსაც რომ ქონდეს თავისი მიზანი, რა გასაკვირია!?

რაც შეეხება ლექსის ტექნიკურ შესრულებას. არ მიმაჩნია, რომ სუსტია. მაშინ უფრო კონკრეტულად მითხარი, რას გულისხმობ ამ "ტექნიკურ სისუსტეში". ადექი და კონკრეტული სტრიქონები, ფრაზები, თუ რა ვიცი, რაგინდარა დეტალი ლექსისა გადმოიღე და აჩვენე მკითხველს, რომ ის ცუდია, არაბუნებრივია, ულოგიკოა იმ ადგილას და მაშინ მეც დაგიჯერებ და სხვაც! წინააღმდეგ შემთხვევაში, შენი ეგ განცხადება უკიდურესად სუბიექტურ და საკმაოდ საფუძველსმოკლებულ განცხადებად დარჩება!

შინაარსმა არ მომხიბლაო! ეგ უკვე შენი ნებაა! გემოვნებაზე, როგორც წესი, არ დაობენ და ასეთ შემთხვევაში მეც არაფერი მეთქმის! თუმცა ძალიან ბევრს ხიბლავს მისი შინაარსი! შენ წარმოიდგინე იმდენად ხიბლავს, რომ სწორედ ის ლირიკული პოემა, რომელშიც ეს ლექსი შედის, ამჟამად სწორედ თარგმნის პროცესშია გერმანულ ენაზე და იქვე იგეგმება მისი ცალკე წიგნად დამოცემაც კი!

და ერთიც: შენს ამ ბოლო კომენტარს გაბრაზებუკლი კაცის პათოსი დასდევს, "ვინ დამეთანხმება და ვინ არა არ მაინტერესებს ნამდვილად.." ეს არა მგონია, რომ მშვიდად წარმოთქმული სიტყვები იყოს! და რატომ? თუ ასე უმნიშვნელოდ და არაფრისმომცემად მიგაჩნია ამ საიტზე მოღვაწე ადამიანთა, შემოქმედთა აზრი, მაშინ რა გამოდის?.. ეს უკვე თავად შენ და საიტის თავმოყვარე წევრებმა თქვან!

მე კი ისევ ყველანაირ სიკეთეს და სულიერი სიმშვიდის მოპოვებას  გისურვებ!
პოეტური პარნასი არ არის ის ადგილი, სადაც ჰარმონიის დამკვიდრება უნდა ჭირდეს!..

ჯერ ეს მოხარხარე სმაილი ვერ გავიგე რა არის.. ალბათ ვიღაცას დასცინის ავტორი და ვფიქრობ თავის თავს..

მერე: მიზანი და "პრიცელი" არ ვიცი მე..

ლექსის ტექნიკური შესრულება სუსტია და არც მისმა შინაარსმა მომხიბლა.. ჩემი სათქმელიც გასაგებად დავწერე.. ვინ დამეთანხმება და ვინ არა არ მაინტერესებს ნამდვილად.. არავის ფეხის ხმას არ დავყვები მე..

და თხოვნა.. თუ კიდევ გააგრძელებთ ჩემთან საუბარს.. კარგი იქნება და აუცილებელი.. რომ ამ პირდაბჩენილი "სმაილების" გარეშე მოხდეს..

ლალის:

გარკვეულწილად, ამ ლექსის შინაარსობრივმა არქიტექტონიკამ განაპირობა ის, რომ იგი მხატვრული სამკაულებისაგან რამდენადმე განიტვირთა.  კი, ეს ლექსი მართლაც მრავალქვეტექსტიანია და, ცხადია, მისი "მოკეკლუცო" (?) ფინალიც შემთხვევით სრულიადაც არ "გამომსხლტარა" - ის თავად ლექსმა, სათქმელმა დაბადა, სხვა შემთხვევაში ჩვეულებრივი ბანალურ-იდილიური სურათის დახატვა გამოვიდოდა გერმანული ყოფიდან. მე კი. თქვენ სწორად შენიშნეთ, სწორედ იმ კონტრასტის ჩვენება მინდოდა, რაც რეალურად არსებობს ჩვენს დაჭაობებულსა და დასავლეთის ლაღ ყოველდღიურობას შორის. რაც შეეხება მაგ '"ხუნდებს', მინდა გითხრათ, რომ ეგეც ერთგვარი მხატვრული მეთოდია და შეგნებულად არის ჩამოკიდებული ლექსის არცთუ ლამაზად მორთულ კისერზე.

ხოლო ბედკრულის, შენი ქვეყნის "ანი" და "ჰაე"
მთავრდება, სადაც იცლება სუფრა,
იმიტომა აქვს ჭუჭყის სუნი თბილისის ჰაერს,
იმიტომ ვდგავართ მყოფადთან უბრად!..
ჩემი ერთერთი უსაყვარლესი პოეტი ;;)

ძალიან კარგია

ემოციური ლექსია და გადმოცემულია ის ემოცია რომელსაც ავტორი იმ წუთას განიცდიდი ასეთ ლექსებში ჩემი აზრით მკითხველმა მის მხატვრულ მხარეს ყურადღება ნაკლებად უნდა მიაქციოს..
ყოველშემთხვევაში მე ასე მიმაჩნია და ლექსაც ჩემსგან მოწონება

:))

საინტერესო კომენტარებია.

პასუხები.

ჯერ ნიკას:

შეიძლება ეს ლექსი თავის ზიზილ-პიპილოებით მათლაც არ ჭრის თვალს. თუმცა მსგავსი მიზანი, მოცემულ სიტუაციაში, არც ქონია ავტორს. ამ ლექსში სულ სხვა აქცენტებია. მიუხედავად ამისა, სტრიქონები არც ისე გაუმართავი უნდა იყოს ,ნიკა, როგორც ეს შენ მოგჩვენებია.

რაც შეეხება აზრს, რომ  "არცერთ ქვეყანაზე ჭუჭყიანი არ არის საქართველო.."  კატეგორიულად ვერ დაგეთანხმები. მე ჩემი საკუთარი თვალით მინახავს ამერიკაცა და ევროპის რამდენიმე ქვეყნაც და, სამწუხაროდ, უნდა ვაღიარო, რომ მათთან ჩვენი ქვეყნის შედარებაც კი არ შეიძლება ამ მხრივ. მათ ფონზე ჩვენი ქყეყანა ნამდვილი ჭუჭყისა და ნაგვის "ბუნკერია". ჩვენ არ გაგვაჩნია ელემენტალური ყოფითი, შრომის და ა. შ. კულტურა...

რაც შეეხება მეორე მსოფლიო ომის დროს გერმანელების მიერ მოწყობილ ფაშისტურ სასაკლაოებს. ეს, ცხადია, საშინელებაა და მაგას თავად გერმანელებიც ამბობენ. თუმცა ისინი არაფრით აჭარბებდნენ საბჭოთა ადამიანების ხორცსაკეპ ბოლშევიკურ მანქანას. მაინც კი ამ ფაქტორს არაფერი კავშირი აქვს იმასთან, რის გამოც მე  ჩემი სიმპათია გამოვხატე გერმანიისა და გერმანელების მიმართ.

და კიდევ ერთი: შენ ამბობ, რომ არ მიყვარს, როცა ჩემ ქვეყანას რომელიმე სხვა ქვეყანას ადარებენ და აბიაბრუებენო...  ასეთი შედარება, მოგვწონს თუ არა ეს  ჩვენ, ყოველთვის ხდება და არა მხოლოდ საქართველოსი სხვა ქვეყნებთან, ამაში მიუღებელი, ჩემი აზრით, არაფერი უნდა იყოს. გაბიაბრუებით კი ნამდვილად არ ვაბიაბრუებ მე საქართველოს. უბრალოდ, გული მტკივა, რომ რუსულმა რკინის ფარდამ იმდენად ჩამოგვაცილა საკაცობრიო ცივილიზაციას, რომ თავის ჭუჭყიან ნაჭუჭში ჩაკეტილებს ისიც კი ვერ წარმოგვიდგენია, რომ ამ დედამიწაზე სადმე რაიმე უკეთესი არსებობს...

55

და არ ვიცი ეს''დისონანსი'' ლექსიკის აქ ''უნისონში'' მუშაობს თუ პირიქით,ხელს უშლის:)

გამარჯობა შენი..!
ხოო...დასანანია ხარჯი ტუშის ,ამგვარ თემაზე
გასაღების მორგება და გამოსავლის კარის გაღებაა მთავარი თუ არა ...ხომ ვნახეთ კედლებზე და ღობეებზე ხტომით ნასწავლი გამოცდილება არას არგებს ნაგვის გასუფთავებას ქართული პერსონის მენტალიტეტში
აბა...წარმატებები

ჩემთვის ეს თქვენი ასე ვთქვათ ლიტერატურული ექსპერიმენტივითაა.
''ნეკი დან მოდე''.
ანუ თქვენი სტილის ლექსი არაა.
შეიძლება თქვენი სხვა ლექსების ლიტერატურული ღირებულება მეტია,მაგრამ ...გმადლობთ,რომ კიდევ ერთხელ დამანახეთ,რომ ნიჭიერი ადამიანი ბრძანდებით.


და არ ვიცი ამ ლაღ და მკითხველისთვის გასაგები ქვეტექსტიანი  ლექსის ბოლოს ეს მოკეკლლუცო ფინალი-შემთხვევით გამოსხლტა,თუ ასე ვტქვათ კონტრასტის გააზრებული გათამაშებაა.მშვიდი,''მოდური ''-''ულამაზესი'' მეტაფორებისგან შეგნებულად გაწმენდილი ყოფითი სურათი...რომელიც ლოგიკურად ასეთივე მარტივი ყოფითი გინდაც ლექსიკით და გინდაც კონტექსტით უნდა დამთავრებულიყო(თანამედროვე ტენდეციის მიხედვით)


ეს ''ხუნდები'',''წვრთნიან გონებას საკუთარ მართვის'',''მყოფადთან უბრად'' მაინც არ ღალატია ლექსიკის,თუ შეგნებულად გაკეთებული?
ანუ გააზრებული სისადავით ბოლომდე  არ გაუშვით ლექსი?

არ მომეწონა.. თან ძალიან.. 

(ეზოში ყვავილთ წალკოტი ყვავის)

ისედაც ბზინავს კედლები ლამის.

და არაერთი ასეთი სტრიქონი კიდევ.. ასუსტებენ ნაწერის ტექნიკურ მხარეს..

ისედაც არ მხიბლავს.. როცა ჩემს ქვეყანას.. რომელიმე სხვა ქვეყანას ადარებენ და აბიაბრუებენ.. არაფერი მაღლა-მაღლა არ მიდის გერმანია.. მარტო მატერიალური კეთილდღეობა არ ნიშნავს სიკეთეს.. ცოცხლად მარხავდნენ და ბუნებრივი აირით გუდავდნენ ეგენი სხვა რომ აღარაფერი ვთქვა - პატარა ბავშვებს.. და მილიონობით თან.. ათასი სხვა უბედურება და ბოროტებაა კიდევ მაგათ კისერზე..

არცერთ ქვეყანაზე ჭუჭყიანი არ არის საქართველო..

მაგრად წერთ! მიყვარს თქვენი ლექსები! :)

:) რას ამბობთ?! ჩვენ, ქართველები მეფეებად, პოეტებად და რაინდებად ვართ დაბადებული :)) 555

საინტერესო მოსაზრებები ლექსად....:)

და ძალიანაც კარგი!!!
მოკითხვა ძმას!!!
კარგი ჩემგან!!!

ეს ლექსიც ლირიკულ პოემა "ილტოდან მაინამდე"-დანაა.