1.    დღის  რეჟიმი


დროზე  ძილი,
დროზე  ჭამა,
დროზე  გასეირნება ...
ასე  არის  აქამდე,
კვლავაც  ასე  იქნება.

მტკიცედ  იცავს  რეჟიმს  ნიკა,
წესრიგს  იცავს  პირნათლად.
-  ყველას  ასეთ  ბიჭს  ვუსურვებ,
ვინც  კი  ბიჭი  ინატრა!

1995.09.



2.    პირველი  კიჭი


ჯერ  ნიკალა  ვინ  იცის  -
ერთი  ციცქნა  ბიჭი,
გუშინ  რომ  ამოეჭრა
პაწაწინა  კიჭი ?!.

ველოდებით  მეორეს -
ექავება  ღრძილი...
ღმერთო,  შენ  დაულოცე
ანგელოძის  ძილი!

1995.10


3.  მალე  ამოდით,  კიჭებო!


ნამდვილ  სასწაულს  ვესწრებით:
ნიკას  ამოსდის  კიჭები!..
მაკრამ  სწუხს,  სტკივა  პაწიას...
იმისი  ცქერით  ვიწვები...

-  კიჭო,ამოდი,ამოდი!
ნუღარ  აწვალებ  ნიკასო!
ისეთი  კიჭი  ამოდი -
ბროლისას  ფშვნიდე  ჭიქასო!..

ვინც  იცით,  დამერწმუნებით:
კიჭის  ამოჭრა  ძნელია...
უკიჭო  ნიკას  ღიმი  კი
თუ  ასე  საყვარელია,

კიჭებიანი  ნიკა  ხომ
მთლად  ჩასაკვნეტი  იქნება!..
ბიჭი  ტკივილს  რომ  გაუძლებს,
ამისი  არ  მეფიქრება.

ეს  რა  ვაჟკაცი  იზრდება -
ერთი  განახათ,  ბიჭებო!
მალე  ამოდით,  ამოდით
ნიკას  პირველო  კიჭებო!!!

1995.10.

გილოცავთ  პეტრე-პავლობის  დღესასწაულს!
ამ  ახალ  ნიკზე  მხოლოდ  სბავშვო  და  ბავშვებისადმი  მიძღვნილ  ლექსებს  დავდებ  დღეიდან.  ეს  პირველი  ლექსები  ,,ნიკას  და  ბაბუს  წიგნიდან''  არის.

ნიკა  ჯახუა  ჩემი  პირველი  შვილიშვილია.  ,,კოჭებში"  ეტყობოდა,რომ 
,, მაგარი  ბიჭი"  იზრდებოდა...  ეს  ლექსები  ნიკას  პირველივე  თვეებში
იწერებოდა  და  საბავშვო  ჟურნალებშიც  იბეჭდებოდა.  ახლა  მინდა  აქაც
გამოვაქვეყნო  გაგრძელებებით  და  მერე  პატარა  წიგნადაც  გამოვცე.
ფოტოებიც  დევს  ფორუმზე  და-ძმასთან  და  მამიდაშვილებთან  ერთად.
ახლებსაც  დავდებ  ლექსებთან  ერთად.

    -  მ ო მ ი ლ ო ც ე თ !  - 
დღეს  საქართველოს  კათალიკოს-პატრიარქი  პატარა    თ ა მ ა რ ს  გვინათლავს!

სვეტიცხოვლობას  გილოცავთ!!!