მშობლები აკვანთან_
როგორც სინათლის ორი ტალღა,
მიწიდან ამოზრდილი,
უკვდავების წყაროზე დახრილი.

***
უძინარი მეციხოვნეები_
წინაპართა ჩრდილები:
ქალი სანთლით,კაცი მახვილით.

***
ჰორიზონტთან ბზარი შეირხა
და აღმართს აუყვა...
მადლობა ღმერთს_მგზავრი ყოფილა!

უსიტყვო ფიცი
----------------------
ერთმანეთს ჩაწნული ღიმილა თითები,
ხელები თაიგულად შეკონილი
და გულთან მიტანილი...

***
ყველაზე ხათრიანი სტუმარი ჩრდილია_
ყოველთვის გარეთ გიცდის,
რომ მერე
შენთან ერთად იაროს ისევ.