რელსზე ჰქროდნენ ვაგონები,
ზეციური შთაგონებით...
მემანქანის განგებით,
ინდებით და განგებით,
გავიარეთ აწ ტეკები,
ინკები და აცტეკები...
რელსზე ჰქროდნენ ვაგონები,
ჩემს ძველ ლექსებს მაგონებდი...
ფიქრს ვრითმავდი მონდომებით,
ვენეციურ გონდოლებით,
ვენა ციურ ქალაქს ჰგავდა,
თუმც ავსტრია გადაგვარდა,
ვენას მალე მოჰყვა გრაცი,
ქანდაკება - ვიღაც კაცი...
ვაგონები ჰქროდნენ რელსზე,
მსურდა ქალი - მოალერსე...
მსურდა ჭიქა კონიაკი,
ბრმა სიტყვები:მგონი,აკი...
სოლუტრე,ორინიაკი,
შელ-აშელი,მუსტიე
მადლენ-აზილტარდენუა...
ან რომი და ან გენუა.
რელსზე ჰქროდნენ ვაგონები,
პოეტური შთაგონებით!