მიუმატეთ ორმოცდაორს რამე,
ძალიან გთხოვთ გაამრავლეთ სამზე,
ორნაირად შეგიძლიათ რომ ქნათ,
ჩასვათ ფრჩხილში და ან ფრჩხილის გარეთ.

ცხოველმა თქვა მიაქვს ჩემი მიაქვს,
სამყაროში სხვა ცხოველი გდია,
ამ ცხოველზე ნიჭიერი თურმე,
კატისა და ძაღლის ნაჯვარია.

ბრიტანული იუწყება პრესა,
ხვალიდანვე დაიწყება სრესვა,
იმ ადგილის, სადაც გული ფეთქავს,
საიდანაც დენთი უკვე ხეთქავს.

მიუმატეთ ორმოცდაორს რამე,
უეჭველი გაამრავლეთ ათზე,
რაც ბოლოში დაგიჯდებათ ციფრი,
მაგდენივე გქონდეთ გულში ჩირქი.

აღარავინ არის გარეთ ხედავთ?
მაგრამ ყველას დანგრევია სახლი,
სად არიან გაპარულან ყველა?
არა, სადღაც დაუდგიათ დახლი.

მიუმატეთ ორმოცდაორს რამე,
ჩაიფიქრეთ ოთხმოცნიშნა რიცხვი,
თუ ოდესმე დაგავიწყდათ რამე,
დაიძინეთ, გაიხსენეთ ხვალე.