- არ დაიშალოთ!.. მე მომყევით!.. ერთად იარეთ!..
- მე მინდა რაღაცის თქმა!..
- შენ რა უნდა თქვა?!. გამომივიდა აქ ყველაზე ჭკვიანი... მე ვიტყვი!.. მე!..
- შენ კი არა, მე!..
- ნუ იშლებით!.. ერთად იარეთ!.. მე გეკითხებით, ვის გინდათ აზრის გამოთქმა?
- მე!..
- მე მინდა!..
- მეც!.. მეც!..
- შენ კი არა, მე!.. მე მინდა!..
- მაშინ მე თვითონ ვიტყვი!.. ყურადღება! მეე...

ხმა ავტომობილის საყვირმა ჩაახშო, ჯგუფი ზანტად გაიყო ორ ნაწილად და მანქანამ, ნელი სვლით, მათ შორის გაიარა.

- ოხ!.. ეს უკვე მეორედ!.. მომაბეზრეს თავი!.. ყველა გზა ამათ დაიკავეს!.. ასე ხომ დავაგვიანებთ!..
- აბა!.. თანაც რამხელაზე ყვირიან!.. თითქოს ერთმანეთის არ ესმოდეთო!.. უკვე ყურები მეტკინა!..
- არა და რა ჩასუქებულები არიან... ერთი მაინც მოგვცა... ბიჭო, ბიჭო, რა ჩაქაფულს გააკეთებდა კაცი!..