ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

                                წყალგაუმტარი ფაქტი ერთ-ერთი ცნობილი რომანის შესახებ

                                                                          პ რ ო ლ ო გ ი

ბავშვი იყავი შენ მაშინ,
ბავშვობის გქონდა ალიბი,
გულზეც მალევე შემაშრი,
ფეხში შესული წყალივით.
მე უფრო მეტად რუს-რუსი
ქალნი მიყვარდა " საწერად "
შენს ლიფს შერჩენილ ბუსუსით
ავაწყვე ბაბუაწვერა.
ჩამო-ყალიბდი, დაქალდი,
და ვერ ამჩნევდი ეტყობა
ჰგავდა ტ(უ)ალეტის ქაღალდი
ჩვენს ლამაზ ურთიერთობას.
რადგანაც ცოტავდებოდა,
შიგადაშიგ და დრო და დრო,
ვგავდი ბარსასთან  წაგებულ
დი მარიას და რონალდოს.
ჩვენი ამბავიც დასრულდა,
როგორც სიზმარი ღამისა,
დავრჩი ეული წარსულთან,
და ბოღმის შესაბამისად -
ჭორებს ვყვებოდი ბიჭებთან,
არ ვიღლებოდი ქილიკით,
შენ კი ყვებოდი პირიქით
და ტანსაცმელი გიჭერდა,
მერე დამრგვალდი ესოდენ,
ტანწერწეტა და მოვლილი
ხელში კი შერჩი მთელ სოფელს,
შეურაცხყოფილ თოვლივით.
გათხოვდი ერთ დღეს შუკიდან
საკუთარ თავზეც თამამი,
შენს მეუღლეს კი უკვირდა,
რატომ არ ჰგავდა მამამისს
ბავშვი და ჰგავდა მეზობელს,
ჭინჭყლი, უხეში ურგი და
მერე მე უცებ მესროლეს,
რომ არ ველოდი, ზურგიდან...


                                                                          კვანძის გახსნა:

ეს არის დათა თუთაშხიას ლექსი რომელიც შემთხვევით წაიკითხა გუდუნამ და იმოქმედა შესაბამისად, რის შემდეგაც დათა გადაიხვეწა და ბოლო სტროფი სწორედ მთებში დაწერა, რომელსაც ახლა გთავაზობთ:

ახლა კი სისხლით ვიცლები
ვით მზეში - თოვლის ბაბუა
და მე რომ გადამარჩინოს,
ეს ძალუძს მხოლოდ ჭაბუას.

                                                                              THE  END