დღეს კარგი დღე იყო, ხვალინდელს მოველი,
უფრო ხალისიანს და უფრო მძვინვარეს,
ქვეყნად ხომ შენამდე ამისთვის მოვედი
რომ გამოვაფხიზლო აქამდე მძინარე...

რას იტყვი, რას მეტყვი, ეს მინდა ვიცოდე,
ახალი სიახლე სახლამდე მიმყვება,
მე შენი ტრფობისგან ცეცხლივით ვიწვოდე
ოდესმე ეგ კოცნა მაჩუქო იქნება...

წავიდეთ იქ, სადაც არავინ გაურბის
ცხოვრების ვერაგ და ეშმაკურ მარხილებს,
მე შენში მიყვარდა ტოტები ალუბლის,
-ნაზად რომ ჰყვებოდნენ შენს გამოძახილებს...

თუმცა დღე რა დღეა უშენოდ გასული,
დალახვროს ეშმაკმა, რაც იყო წავიდა,
რაც უნდა ეცადო, არ მოვა წარსული,
თუნდაც რომ შემეძლოს მე მაინც არ მინდა...

წარსული...
   
        არ მინდა...

  არ მოვა....

                  წავიდა...