ამ ლამაზ ღამეს კვლავ შემომაწვა,
ნოსტალგიისგან ნაშობი სევდა,
და ეს ფანტელიც მახსენებს წარსულს,
წლების მანძილზე ჩემს სულს რომ გვემდა!
    წლების მანძილზე დავკარგე წლები
    და დავინგრიე კიბენი ცაზე,
    შორს გავირიყე სიწმინდეთაგან,
    ბეჯითად დავდექი ცოდვილთა გზაზე.
წყვდიადს ვეტრფოდი არ ვგმობდი ბოროტს,
სატანას დიდი მივეცი ფორა,
გადავივიწყე სათნო მცნებები,
შეცოდებათა აღვმართე გორა!
    დღეიდან ფურცელზე გავრითმავ წარსულს,
    მსურს გავახარო ამ გულის მახრა,
    მისი მორიგი აღმსარებელი,
    როგორც პოეტი ფეხს ვიდგავ ახლა!