ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

რამდენი  ღირს ეს მოგზაურობა?,
რომელიც შემოჩვეული ობობის, სიკვდილმა გამოიწვია,
რადგან სულ მარტო დარჩი...
და მოგწყინდა ამგვარი სიფხიზლე,მოწყენილობა,უსაფრთხოება!
გამოიკეტე სუროგატი სურვილის, მუდამღია კარი!
ნუთუ ეს ტრასის მხოლოდ მაკეტია და შორეული მოგზაურობები,
რომ სამნი ჩავსხდეთ ფარებშეშლილ მანქანაში არ არსებობს სადმე?
არ ვიცი,იქნებდა დროა...
უსაბრთხოების ბალიშები დავწვათ, აქოთებული თეთრეულივით.
უსაბრთხოების ღვედებზე ჩამოვაღრჩოთ- ქალწულობაგაგრძელებული შიშები,
შენი მუხლების, საბარგულზე დაყრდნობა განვიცადო მინდა!
თეთრ ბიუსჰალტერში, სურვილებმა იცოცონ, ჩემი შინაური ობობის მსგავსად,
და არ მოიკლან წყურვილის გონება დროეზე ადრე...
არაუშავს,თუ პორტატული გახდნენ ჩვენი
მოგონებები შენი ,,გუჩი-შმუჩი,,ჩანთის მსგავსად.
გეომეტრიულად სწორხაზოვანი ცის ქვემოთაც შეიძლება, ორგაზმი განიცადო თურმე,
და არ ელოდო როდის იქნება უსაზღვრო და ვარსკვლავებით მოჭედილი... ზეცა!
როდის იყო მიმართულებები ამართლებენ?!
საიდანღაც მოთრეული ლექსებივით, მართლები და მარტოსულები!
ეს მოგზაურობა უფასოაო,რომელშიც მგონი ყველაზე მეტი გადაიხადე!
და
რომელსაც, შემოჩვეული ნეკროფორუსი არასოდეს დატოვებს მარტოს!