ვინა თქვა რომ ლამაზია თოვა,
ვინა თქვა რომ წვიმა სევდას ახშობს,
ვინა თქვა რომ გაზაფხული მოვა,
განა ვარდი მხოლოდ მზეზე ხარობს.

ვინა თქვა რომ აჰყოლია წერას,
ვინა თქვა რომ სიყვარულით იწვის,
ვინა თქვა რომ გაედევნა მერანს,
გული ერთი უბედური ბიჭის.

ვინა თქვა რომ დაძველდება მთვარე,
ვინა თქვა რომ ეფარება ღრუბლებს,
ვინა თქვა რომ ვარსკვლავები ცაზე
შეყვარებულს აჩუქებენ ნუგეშს.

ვინა თქვა რომ გული წყენას იტევს,
ვინა თქვა რომ კვლავ დავივლი ქუჩებს.
ვინა თქვა რომ ცოცხალი ვარ კიდევ,
თქვენ რა იცით, მე რომ მოვკვდი წუხელ.