და–კაპო


ყველაზე ზუსტი განმარტება შენი ცხოვრების
არის წვიმები, და გინდა რომ ოთახში იყო,
რომ უხმოდ დაწვე და იფიქრო რამე ყოფითზე:
სახლზე,ოჯახზე ,ახლობლებზე და უცხვირპირო

ამინდზე,გზაზე ,სამსახურზე,ქალზე,მისივე
წერილზე,რომლის დატოვებაც ჯობდა უთქმელად.
ადგე, (წამოჯდე), გულიანად ამოისუნთქო...
ამოაყოლო შემოდგომის მცირე სიცივე.

და დედას  სთხოვო მოგიტანოს ჩაი, ლამბაქით,
რომელიც მისი ხელებივით ტკბილი იქნება.
ან გაიცინო,მაგალითად რაზეც აქამდე
გული გწყდებოდა,სხვანაირი ეშხით,ლაზათით

თუნდაც სარკეში ჩაიხედო,თუნდაც შენს თავში
და მოაგროვო ტკივილები იმდენად უხვად,
რომ ამ ყველაფრით გაივსო და რომ გადმოხვიდე.
ევნო.ეწამო,მოითმინო და როგორც ბავშვი


გარეთ გახვიდე,(ყოველგვარი მიზნის გარეშე).
გახვიდე გარეთ, შეუერთდე ფოთოლთა ცვენას...