სპექტაკლი... დადგმული უნიჭო სცენარით...
ერთმანეთს ეცვლება შავ-თეთრი კადრები...
ცდილობენ მოხიბვლას - და მაინც ნეტა რით?..
დეკორაციებით... ნიღბებით... ჩადრებით...
ნიჭიერს უსიტყვო როლიც არ არგუნეს...
მთავარზე მუდარით დათანხმდა უნიჭო...
იქ კრიტიკოსებმა თავიც არ ჩაღუნეს,-
ურცხვად შეაფასეს -არაა ურიგო!..
ცხოვრება ემსგავსა უნიჭო სპექტაკლებს,
სცენაზე ჭკვიანის არ არის ადგილი...
პარტერში ნიღაბი მოერგო მეტნაკლებს...
უნიღბოდ იცხოვრო, - არაა ადვილი!..