გმადლობ უფალო დღეს რა კარგია,
ჩემი სოფელი და ჩვენი შარა,
მე ახლა მიხვდი რა დრო გასულა,
და გაპარულა ბავშვობა ჩქარა.


რა ლამაზია ბუნება მშვიდი,
ზამთარია და თოვლია ახლა,
თითქოს ბავშვობის ნაფეხურები,
ამ უსპეტაკეს თოვლს სევდად ახლავს.


ოხ რა  კარგია, როცა მოგელის,
კვლავ სიყვარულით დედა და მამა,
ვერ შეედრება ვერც ერთი წუთი,
თუნდ საუკუნე აქციო წამად...


ოხ რა კარგია, როცა წარსული,
თვალწინ ზმანებად დაგეხატება,
როცა ცხოვრება უცებ გასული,
წარმოგიდგება როგორც ხატება.


გმადლობ უფალო დღეს რა კარგია,
ჩემი სოფელი და ჩვენი შარა,
მე ახლა მივხვდი რა დრო გასულა,
და გაპარულა ბავშვობა ჩქარა.