ნანინა, დედი, ხომ გიამბე მთვარის ზღაპარი,
ძილი მოდის, თუ  წამწამებზე გაზის პეპელა?
შენი ღიმილი ტბილია და თანაც სხვაგვარი
სიხარულია, გულზე ღილად რომ დამეკერა.
ჩემს გონებაში ათასობით ლექსი აშლილა,
ჩაგეძინა და ძაღლმა ეზო ყეფით აიკლო,
ნანინა, დედი, ჩვენმა კუსამ თუ შეგაშინა,
ყურებს დააჭრის, გათენდება როცა, მამიკო.
ნაზ სუნთქვას ვუსმენ,ოცნებები სიმღერად მაწვიმს,
გამიღიმე და შენი გული სულში მიძვრება,
თბილი, ფაფუკი თითუკებით სიყვარულს მაწვდი
დაიძინე და ვარსკვლავები დაგესიზმრება.