მომნატრებიხარ

დილა წამოენთო ჰორიზონტთან,
ღამე მარნის უკან მიილია,
მიმინოს ირაო შორით მოსჩანს,
არღვევს ცის სილურჯის იდილიას.

დილას ნაკადულთან შევეგებე,
წყარომ არაკები მომიმღერა,
ხტუნვით ჩავუყევი ღელე-ღელე,
ჩავუასკინკილე ხტომით ვენახს.

მერე ჭალა ორად გადავსერე,
თავი შევაფარე მუხის ჩრდილებს,
ჩემი სიმღერები გაჰყვა ღელეს,-
როცა მოვეფერე ჭურისპირებს.

მომნატრებიხარ და მერე როგორ
ჩემო სოფელო და იავნანავ,
მინდა აქაურებს მივეტოლო,
მინდა ძველებურად ვთოხნო ყანა.

მინდა მომეფეროს ბებია და
ბაბუმ ჩემი მოსვლით იამაყოს
მაგრამ...

დღე მთის მწვერვალიდან გადიპარა,
ღამე გაბატონდა ქარაფებთან,
ვხვდები, განშორებით დავღლილვარ და
ვზივარ, წინაპრების საფლავებთან...

23.04.2014