არავინ დაგაჯეროს,  რომ სუსტი კოცონი ხარ,
სისუსტე  არაა ოცნების  ალბატროსის
ფრთების  ქვეშ  ცხოვრება ...მიხვდები ,
ალბათ  დროზე,
საერთოდ  არ  არის  სისუსტე ოცნება !
გჯეროდეს,
ყოველდღე მზე რომ იკოცნება ,
შენს  შუბლზე
-ცეცხლს  გაგიჩენს  და  სულში მაცილებს
გადაწვავს ,
გადაშლის ყველა მოგონებას,
როდესაც ,უბრალოდ, ბავშვივით  დაგცინეს  .
შეეშვი !.. სუყველამ კისერი მოიტეხა.
შორიდან გიყურებენ ,შორიდან  გისმენენ .
ხომ არ დაგავიწყდა,  მეორე პოეტი ხარ,
ჯანღიან ,ნაცრისფერ  ქალაქში -ისევე!
ო,როგორ  გიხდებათ  ნიღაბი ანგელოზთა,
მხოლოდ მე  დავდივარ  ეშმაკის  ეშვებით.
და ყოველ მთის ძირში,
თუ ტრიალ მდელოსთან -
რატომღაც ,  ხან -ნერვი ,ხან ფეხი მეშლება .
არავინ დაგაჯეროს,
რომ ბრმაა სიყვარული,
უსიყვარულობას არა აქვს  თვალები !
არსად გაქრებიან დღეები -მიქარულნი-
ყოველთვის  წაგიჭერენ ყელზე და...
გავნებენ !
არავინ დაგაჯეროს,რომ არ  ხარ  ბერხენი ,-
სხვებს  გავხარ, სხვებივით  ბერდები , გერხევა .
ეძებე ყოველთვის რაღაცა  სადაო,
სანამ შეურჩევ ცხოვრებას  სათაურს .
არავინ დაგაჯეროს,  რომ სუსტი კოცონი ხარ,
სისუსტე  არაა ოცნების  ალბატროსის
ფრთების  ქვეშ  ცხოვრება ...მიხვდები ,
ალბათ  დროზე,
საერთოდ  არ  არის  სისუსტე ოცნება !