ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: Fuckerman's Song
ჟანრი: პოეზია
2 მაისი, 2009


=ENSUENO=

                       


ყოველი მოკვდავი მომავალს უყურებს იმედის თვალით,
საკუთარ ბედს კი ვერვინ განაგებს შიშით თუ ძალით.
მთელი ცხოვრება ოცნებაა ბრძენის და შლეგის,
ღმერთმა უბოძა ადამის შვილებს უნარი რწმენის.

ყველა ოცნებას ასრულება არ უწერია-ვოცნებობთ მაინც…
არავინ იცის.ჩვენ წინ რა გველის-ვოცნებობთ მაინც…
სადღაც,ბოლოში,ყველაფერს გასდევს წითელი ზოლი,
და თვით სიცოცხლეც ჩაიფერფლება-აუვა ბოლი…

ბედი მოაშთობს ყველაფერს სრულად,რასაც ინდომებს.
ხალხი გაურბის,ბედი ეწევა-მაინც იმონებს!
ხოცავს,ადიდებს,აუბედურებს,ამდიდრებს,მაგრამ…
მაგრამ ოცნებას ის ვერ ეხება ვერაფრის ფასად!

ყოველი მოკვდავი მომავალს უყურებს იმედის თვალით.
სიკვდილის პირზეც,ალბათ ოცნებობს სიცოცხლით მთვრალი…
ოცნებები ხომ არსად არ წყდება-არცერთი წამით…
ის თან მიყვება თავის პატრონს ღრუბლებში ნავით…

ყოველი მოკვდავი მომავალს უყურებს იმედის თვალით…


            2000წელი/ივნისი

კომენტარები ილუსტრაციები რეცენზიები

საიტის წევრს ნიკით:  გიორგი7464 ვულოცავთ დაბადების დღეს