მე ის მხატვარი შემიყვარდა
შენ რომ დაგხატა,
მოლბერტთან მდგარი და
საღებავნასვამ თითებით,
წითელი ღვინით შეზავებულ
გრძნობებს რანდავდა,
მისით ვმშვიდდები...
ფუნჯი გაზაფხულს სიყვარულში
გადაუცვალა,
ჩემთვის საჩუქრად სუნთქვით
ნახატ ფერად პორტრეტში,
სუყველა ნაკლი ოსტატობით
გარდაიცვალა,
ლოცვად მოვეშვი...
მე ის მხატვარი შემიყვარდა
შენ რომ დაგხატა
მოლბერტთან მდგარი და
საღებავნასვამ თითებით,
პორტრეტისთვის
სიტყვით ვშიშვლდები...