ცაზე დაწერილ უტოლობებს ამოვხსნი
ორივე მხარეს გავადადებითებ,მაგრამ მარტო მე
ჯამს ვერ შევცვლი და იქნებ დამემატო.
ნუგეშინია ფრჩხილებში ჩაგწერ
და მერე ამ ფრჩხილებს გავაქრობ
ტოლობის სხვა მხარეს გადაგიყვან და მე არ დაგიმატებ
უბრალოდ ცოტახნით დამიდექი გვერდით რომ მოვიტყუო და ჯამი შევცავლო.
ცოტახნით მაინც..
მერე გაგაწილადებ და ერთი სართულით ზემოთ დაგაყენებ
მიზეზს მოვიგონებ რომ შეგკვეცო,
და სულ სხვა პასუხს მივიღებ მთელი ამ თამაშიდან.
მერე წრეში ჩაგხატავ სამი ერთნაირი ფერდით
ხაზს მოვიგონებ და გაგყოფ,
და შენი ფერდის ნახევარს ცნობად რიცხვად ვაქცევ
ისეთად რომ არავინ იადოს ამაზე.
მერე იქნები ვითომ ამოხსნილი,გატოლებული და პასუხიანი ამოცანა,
და ვერავინ იფიქრებს რომ მოვიტყუე მხოლოდ იმიტომ რომ
დამემტკიცებინა
გადანაცვლებადობები შედეგცვლილებესაც იწვევს.
იქნებს ის წერტილიც გაგვექრო
მინუს და პლუს უსასრულობებს შორის და
ნულის ცარიელი მუცელი გაგვენაყოფიერებინა,
მერე ისევ შეგვეკვეცა და გაგვეწილადებინა
ჰო ცოტახნით დამიდექი გვერდით
რამდენიმე ქმედების მერე ტოლობის სხვა მხარეს გადაგიყვან,
და სხვა რიცხვებს მიგიწერ გვერდით,უფრჩხილებოდ
და იმათთან ერთად გაგატოლებ.