URAKPARAKI

ავტორი: ხაფერ ელ-დამასტ ელდინი
ჟანრი: პოეზია
24 მაისი, 2009

ჩემი სახელის რობაი

ჩემი სახელი ხაფერ ელ-და-მასტ ელ-დინია,
ჩემი ლექსები სასწაულის მოლოდინია,
ჩემი პოტრეტი თვალებია ცისკენ მზირალი,
ხოლო თმა-წვერი სპარსული და მხოლოდ ინია.

მე ღმერთით ვიწყებ ჩემს რობაის, როგორც წესია,
წინაპარს ჩემსას ასე უხნავს და უთესია,
მე ელ-დამასტის კაცურ შრომის ნაყოფად მოვედ,
ხოლო სამყაროს შემოქმედი არის მესია.

მე ისიც კარგად და მშვენივრად ვიცი სრულებით,
რომ სიყვარული არის საზრდო ჩვენი სულების,
ამიტომ მშანთავს ტრფიალება სამარადისოდ
ამ მშვენიერი ქალწულების და ასულების.

პოეზიაა ჩემთვის ყოვლის აზრი და არსი,
სიტყვით მწადია შემოვფიფქო სამყაროს გარსი,
რობაიაზე უკეთესი არ არის ფორმა,
რომ დაიტიოს სილამაზე და შინაარსი.

ნუ იუცხოებთ ჩემს შემოსვლას თქვენს ბაღის კიდეს,
ჩათვალეთ, თითქოს ხეზე ძველი კავი დაკიდეს,
მანამ სიკეთე არ მოგაკლოთ ღმერთმა მაღალმა,
სანამდე სადმე თქვენს მოსამკელს ვინმე დამკიდეს!..

გადმოწერეთ PDF ფორმატში

კომენტარები

ილუსტრაციები

რეცენზიები

20. შენ ვინ ყოფილხარ!!! :)) :)) :))
გაიხარე შენაა!!!

გიგო. 2009-06-12 17:01:45

19. 5

ფერიავ. 2009-05-29 03:05:24

18. საყაროს-------->სამყაროს. გაასწორე და მშევენიერი რობაიაა, კეთილო კაცო! ;) 5

ლელა-65. 2009-05-29 00:22:39

17. :)
სუფი მაგარი რამეა... ადრე მედო თარგმანი ამაზე.

ფორუმთმავალი. 2009-05-28 19:57:01

16. 555555

მაკუცა. 2009-05-27 00:34:20

15. შემოვფიფქო... :)) ამ სიტყვამ გაგყიდააა :P :-*

ია-ია. 2009-05-26 02:40:11

14.

მეორე რობაი-სონეტი

ხაფერ! - ხომ ვუწყით - ეს ქვეყანა, არც რო დიდია -
მაშრიყს და მაღრიბს შორის ერთი გზა და ხიდია!..
მაშ, მათ რა ვარქვათ - სიხარბის თუ სიბრიყვის გამო
ამ ხიდს რომ პატრონ-მდინარითურთ ვერცხლზე ჰყიდიან?!.

მარტოკაცი რომ უდაბნოის ხესა ჰგავს - ოლეს!.. –
ჯილაგმა ჩვენმა დაივიწყა, როგორც ჩანს, თორემ,
გავთითოკაცდით ასე ვითარ - ვერ ამიხსნია,
ვერც - მზაკვართაგან შემოტენილს ვით ვირგებთ როლებს!...

ტყენი და ველნი მკალითა და გავსილან მღრღნელით...
კვნიწი სიკეთის - გარეირგვლივ არ გვივის მქმნელი..
ჩარჩ-ვაჭრისა და მუშტრის თვალით გვიჭვრეტდნენ ოდით
მტერმოყვარენი - შორეული თუ მეზობელი...

აწ მუმლს - მუხა და ყვავს - წიფელი ვერ იქშევს - ხმელი...
- ქვეყანა თავზე ბიჭ-ბუჭობის გვემხობა ხელით!!!

25. 5. 2008 ქ. შ.

იმედი ჯახუა. 2009-05-26 00:08:27

13. 5.

ფლე-ში. 2009-05-25 15:53:02

12. პირველშეხვედრის სამახსოვრო
რობაი-სონეტი
ექსპრომტად
ხაფერ ალ-დამასტ ელდინს

- სალამ ალეიქუმ, ელ-დამასტ ელდინ!
(( ვის არ გადაგყრის კაცს ( თუ გაქვს!..) ბედი!.. ) ...
მოწყალედ გეყოს დიდი ალაჰი
და ქრისტე - უფრო მაღლიდან მხედი!!!

ვიხსენებ ომარს - ორგზის კოლეგას,
ჯერ რომ რობაის ჯარი მორეკა,
მერმე ჩაუჯდა ალგებრას ბრძნულად
და უშურველად უძღვნა გონება!..

ჩემი თაყვანი შენს ამაყ ორდენს,
ღმერთს რომ ადიდებს
და მწარედ ჰგოდებს,
სიტყვის - წყობილის - ტაძარი დიდი
რომ ემსგავსება თანდათან ბორდელს...

ამის ატანა ვით ძალუძს იმედს -
ისედაც მრავლის მხედველს და მომთმენს?!.

იმედი ჯახუა. 2009-05-25 14:38:03

11. :) კარგია

kusumusu (ბექა). 2009-05-25 11:06:47

10. დიდება ომარ ხაიამს :) 5

ველური. 2009-05-25 09:48:13

9. კარგია, ხაფერო, 5

თამარ ბუკია. 2009-05-25 00:18:45

8. ჩემი პოტრეტი თვალებია ცისკენ მზირალი...
ეს მომეწონა.
``სპარსული ინიანი თმა-წვერი`` _ ნაკლებად.
ეს ხუმრობით და ლექსად საინტერესო ავტოპორტრეტია.

თეა თაბაგარი. 2009-05-24 23:06:59

7. წარმატებები:)

გიო ზედვაკელი. 2009-05-24 22:43:13

6. კი, ჰარირამა, სუფი ვარ და ახლა როგორი! ჩემი ფირია ჯალალ ალ-დინ რუმი, სულ "მასნავიე მანავი" მიჭირავს ხელში და მის დიდებულ ღაზალებს ვიზეპირებ. მე წარმოვადგენ საქართველოში აბუ აბდ ალ-ლაჰ ალ-მუჰასიბის ორდენს და მოტივირებულად მივუძღვები აქაურ შეგირდთა მცირერიცხოვან ჯგუფს უმაღლეს ჰაკიკათში. თუ სურვილი გაგიჩნდეს, შეგიძლია შენც დაგვემგზავრო, ოღონდ უნდა გახსოვდეს, რომ ორდენში გაწევრიანებას თავისი წინაპირობები გააჩნია და ეს წინაპირობები არცთუ იოლი შესასრულებელია თანამედროვე, ცივილიზებული ადამიანისთვის...

ხაფერ ელ-დამასტ ელდინი. 2009-05-24 22:41:17

5. ე მანდ სუფი ხომ არ ხარ, და ტუ ასეა რა ორდენიდან?

ჰარირამა. 2009-05-24 22:19:52

4. კარგია

imedi. 2009-05-24 22:07:30

3. :) ავტოპორტრეტი :))

3

თუსია. 2009-05-24 21:54:56

2. კეთილი იყოს შენი ფეხი...5

ჭა. 2009-05-24 21:16:27

1. 555 კარგია

იმედო ხელაია. 2009-05-24 20:52:54