მთავარი გვერდი
პორტალის შესახებ
რეგისტრაცია
ნაწარმოებები
კომენტარები
რეცენზიები
დღიურები
წევრები
ლიტ-მოვლენა
ილუსტრაცია
მოგვწერეთ
ძებნა
ფორუმი
გამოცხადდა კონკურსი ლილე2026 . იხილეთ ფორუმზე კონკურსების განყოფილებაში     * * *     გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ხაფერ ელ-დამასტ ელდინი
ჟანრი: პოეზია
3 ივნისი, 2009

გაფრთხილების რობაი

ქალია, მაგრამ ზოგჯერ ქალიც სიბრძნეს ღაღადებს,
მარტო კაცები როდი ქმნიან ჭკვიან ქაღალდებს,
ერთ ქალს ვიცნობდი, თქვა: მზის ქულა,ახლა რომ უმზერ,
შეხედავ ხვალ და ნახავ, რომ ის აქვე აღარ დევს!..

ესეც მანვე თქვა, ესეც ნაღდი ნათქვამი არის:
ქალს ეალერსე, თორემ უცებ წაგართმევს ქარი!..
თორემ თუ დახვდა დაკეტილი ერთგან კარები,
მაშინვე სხვაგან გაეღება მეორე კარი!..

და ის იქ შევა, სადაც კარი ღია დახვდება,
აუცილებლად სხვა სითბოში გადასახლდება...
და რომ გეგონა, ეს ქალი ხომ ჩემი არისო,
დაგტოვებს, წავა, ახლა უკვე სხვისა გახდება!..

ეგეთი არის, - წერს ჰაფეზი, - ქალის ბუნება,
დღეს შენთანაა, გეფერება, გებულბულება,
ხვალ თუ დაჭირდა, მიგატოვებს დაუნანებლად,
ნახავს უკეთესს, ვინმე ახალს ეერთგულება!..

ამიტომ არ ღირს თქმა: ცხოვრება საამურია!
არის სითეთრეც, მაგრამ უფრო მეტი მურია,
ნექტარს იმგვარად არ შეგასმევს წუთისოფელი,
ბოლო წვეთებად შხამი თუ არ გამოურია!..

ჰოდა, ხაფერო, ბაგით ქალის მი-მოიბაგე,
ეფერე ლამაზს, ალერსები ალერსზე აგე,
თუ, რა თქმა უნდა, არ გინდა, რომ შენც მიგატოვონ,
და დარჩე კენტად და გორავდე, როგორც იაქე...
კომენტარები ილუსტრაციები რეცენზიები