ლურჯ ფრინველს ვდევდი...
(პირველი ლექსი)


ჩემი სიცოცხლე - პეპლის დღე ერთი,
შემომელია - ჩამადნა ხელში...

სულ ჩაიწრიტა წლები, ვით წყალი
დაჭრილთან მიმტანს  დაეწრიტება...

"ლურჯ ფრინველს" ვდევდი - ვერ დავეწიე!
ვეძებდი საწმისს - იქაც დამასწრეს...
შენ სიყვარულსაც ვერ გავუფრთხილდი,
ისიც  დავკარგე, ისიც  წამართვეს.
მე კი რა დამრჩა? მხოლოდ ოცნება,
მოგონებათა ნამსხვრევის პეშვი…
ჩემი ოცნების გაცრეცილ ლანდის -
თეთრი გვირილა, ჩაწნული თმებში…

რა მოკლე არის პეპლის დღე ერთი,
სულ  გაილია - ჩამადნა ხელში...