გზაჯვარედინი . . .
წითელი ავტო მიაგელვებს ნაცრისფერ ტრასას . . .
ჭრელი აბრები გვიღიმიან;
„მოწიეთ”, „შესვით” - გვთავაზობენ;
ვიღაც უნიჭო გენიოსებს ამაოდ ბაძავს.
გზაჯვარედინი . . .
აქ იყიდება ყველაფერი: ოქრო და პური;
აქ დაბოგინობს ანგარება და სათნოებას ეფარება ბოროტი შური.
აქ გადის ზღვარი ბოგანოსა და ელიტას შორის,
აქ მეფობს იგი ერთადერთი . . .
            ბატონობს ფული!
ვიღაცა დღეში სტომაქისათვის ათასებს ხარჯავს;
ვიღაცა ჯურღმულს ეპარება, გროშებისათვის ეწევა გარჯას . . .
გზაჯვარედინი . . .
აქ როკავს ღამით ველური ვნება,
აქ ითელება გრძნობა და გული;
აქ რეკავს ზარი, ღაღადებს სული;
ამოირჩიე: - შენია ნება . . .