იყო ერთი კაცი. და ჰქონდა ბიზნესი. და ეს ბიზნესი არ იყო მთლად კანონიერი.  გაუგო საგადასახადომ. და დაიბარა თავისთან. და მივიდა კაცი ბუღალტერთან და ჰკითხა:
- ჩემო ბუღალტერო, საგადასახადო მიბარებს და რა ვქნაო?
და რქუა ბუღალტერმან:
- ჩაიცვი ყველაზე ბინძური და დაგლეჯილი ტანისამოსი, ეახლე საგადასახადოს. დაე, მათ ეგონოთ, რომ უპოვარი ხარ. შეგიბრალებენ და შეგაწერენ მცირედს.

და ეახლა კაცი თავის იურისტს და ჰკითხა:
_ ჩემო მრავალმხრივ გამობრძმედილო იურისტო, საგადასახაო მიბარებს და რა ვქნაო?
და რქუა იურისტმა:
_ ჩაიცვი შენი საუკეთესო პიჯაკი, შეიფსკვენი კელვინ კლაინის ჰალსტუხი და ეახელი მათ. დაე, ნახონ, რომ მათი არ გეშინია და დაგაფასონ სათანადოდ!

და დაიბნა კაცი, მოიქექა ბაკენბარდები და ეახლა მოძღვარს. და ჰკითხა მას:
_ მოძღუარ, რაი ვქნა? ბუღალტერი ერთს მირჩევს, იურისტი - მეორეს. მე კი არ ვიცი რომელს დავუჯერო.
და რქუა მოძღუარმან:
_ შენი ამბავი ძალიან ჰგავს იმ ქალისას, რომელიც გათხოვებას აპირებდა. მივიდა და ჰკითხა დედას, რა ჩაეცვა ქორწინების პირველ ღამეს. დედამ ურჩია, გრძელი, მძიმე ფლანელის პერანგი, მუქი ფერის, ყელიდან კოჭებამდე დაშვებული. შემდეგ ქალი მიადგა საუკეთესო მეგობარს და მას ჰკითხა. და რქუა მან: ჩაიცვი ყველაზე მიმზიდველი,კაცში მაცდური ვნებების აღმძვრელი, ტანგას და  ხორცების გამოსაჩენი პენუარი..

და დაიბნა კაცი ფრიად. და გააპროტესტა ნათქუამი მოძღურისაი. და შეჰღაღადა მას:
- და რაი აქვს საერთო ამ ყველაფერს საგადასახადოსთან? და რაი ვქნა მე?

და რქუა მოძღუარმან

- რა მნიშვნელობა აქვს როგორ გამოეწყობი,, საგადასახადო მაინც გაგყვლეფავს!

მორალი: მხოლოდ სიკვდილი და გადასახადებია გარდაუვალი!