არ ვეჯიბრები არავის,
არ მაქვს ფული და ქონება,
მიყვარს მე მძაფრი განცდები,
არ მიყვარს ერთფეროვნება!

მე სამყოფი მაქვს სიმდიდრე-
ჩემი ჭკუა და გონება,
მიყვარს ფერადი სიზმრები,
არ მიყვარს ერთფეროვნება!

მსურს უჩვეულო შეგრძნება
და რამის გამოგონება,
და ამიტომაც არ მიყვარს
ერთგვარი ერთფეროვნება.

ვაღმერთებ ქალებს,ვაღმერთებ
მათში ჭკუას და გონებას,
თუგინდ მომკალით არ მიყვარს
არც ქალში ერთფეროვნება.

რა შუაშია სიმდიდრე,
ან რასა,ან ეროვნება?
საინტერესო ხალხი მწამს,
არ მიყვარს ერთფეროვნება!

ლამაზი ქალის ეშხი მწვავს
და ტუჩის ტუჩზე კონება,
ლურჯი,ხან შავი თვალები,
არ მიყვარს ერთფეროვნება!

მრავალხმიანი სიმღერა
გულს თაფლად მომეფონება,
რადგანაც მასში არ არის
არასგზით ერთფეროვნება.

მიყვარს ცხოვრება ლამაზად,
სიხარულიც და ღონებაც,
სიკვდილსაც თავის ხიბლი აქვს,
არ არის ერთფეროვნება.

დედამიწაზე მოვედი,
ვჭვრეტ ღმერთთა გამოგონებას,
მოვივლი სხვა პლანეტებსაც,
არ მიყვარს ერთფეროვნება!
                            დმ.