ეგ ვაჟი გყვარობსო, დამცინებს ქალებმა,
სიწითლე ღაწვებზე, დავმალე გრძელ თმაში,
რას გაყუჩდიო და ენა თუ დამება,
კოკა მხარს მოვიდგი, გზად გულის თამაშით,
წასვლამდე, მალულად მოგტაცე თვალები,
სიანცით დავუყევ დაშამბულ ფერდობებს,
შავნამ რო ფრუტუნით ალესა ნალები
ბალახზე,
სურვილი დააჩნდა ცხელ ფლოქვებს...
"ალბათ თუ მამხედა", ჩავკეცე ღიმილი
ზედ ტუჩზე,
მზერამ რომ ამიწვა საკაბე,
ცოლი ვყოფილიყავ უმალ დამიშლიდი,
ეშმაკურ ცქერას და ახლა კი ავაჰმე...
არისო დიაცის ტრფიალით დასამბელ,
ყვებიან სწორები, ემზადვის მაყარი,
შესჩივის მთებსაო ტიალი, არაკებს
უამბობს შენზე და თვრებაო არაყით.
...ავსებდა ნისლებით ცა დაბლა ნარიანს,
არაგვი ყლაპავდა ქალების დასაცილს,
ეგ ვაჟი გყვარობსო, სთქვი რამე მადლია,
მე მარტო თვალები, თქმით რა ვთქო?
არც რაი...