დამისხით ღვინო! უკანასკნელად უნდა დავლიო,შევიქმნა მთვრალი,
დამისხით ღვინო! ფიალის ტუჩი მიმზიდველია,ვით ტუჩი ქალის,
დამისხით ღვინო! რათა ვიხილო მთვრალმა ჩემს წინ ბახუსის ღმერთი,
მე მინდა დავთვრე ისე ძლიერ,რომ ვიყო ერთი,_
                                                                              მრავალ საწყისთან...
წარმავალია ყველა დიდება,ყველა მივყვებით დროის დინებას,
მტანჯავს ფხიზელი თვალით ყურება,ლოცვის მაგივრად მინდა გინება,
ამიტომაც ვსვამ და კიდევ დავლევ,თუნდაც ეს სითხე იქცეს სამსალად,
ჯერ თითო-თითოს მივეპარები,იქამდე დავლევ ვიდრე სამ-სამად
                                                                                                            არ დავინახავ ირგვლივ სამყაროს...

გამიხსენ ღმერთო პარალელელურ სამყაროს კარი ,
უკვე მზადა ვარ,მე ბახუსმა დამრია ხელი,,
ჩვენი ცხოვრება არის ერთი დიდი სიზმარი...
სიკვდილო მოდი,მხოლოდ შენ გელი!

როცა მთვრალი ვარ,ამაყი ვარ და უშიშარი,
მე შემიძლია გავუსწორო უფსკრულებს თვალი,
უკვე გასამდა სამყარო და  აი ნიშანი,
ახლა კი დროა,რომ გამიხსნათ სამოთხის კარი,
                                                                      ან ჯოჯოხეთის...

ჩემს ფიალას სხვა ვერ შესვავს,ბოლო წვეთიც ჩემი არის,
მომაწოდეთ ჩემი წილი ჯერ ღვინო და მერე ქალი,
მინდა მთვრალმა მოვიარო ჩემი ქვეყნის მთა და ბარი,
შემდეგ მივალ საიქიოს,თუ გსურთ რამე დამაბარეთ,

დედამიწა მიჭერს ფეხზე,ზეცის თაღი სულს მიხუთავს,
ჩემი სული თითქოს ჩემში ცხრაკლიტურით შეიფუთა,
ჩემში ორივ ერთად ხარობს:_ შავი თუთა,თეთრი თუთა,
დედამიწის დიდ მარანში ქვევრმა ღვინო ასათუთა.

ხოდა დამისხით! დღეს საბოლოოდ უნდა დავლიო,შევიქმნა მთვრალი,
კიდევ დამისხით! ფიალის ტუჩი მიმზიდველია,ვით ტუჩი ქალის,
ერთიც დამისხით,რათა არ დამრჩეს ამ ქვეყანაზე არავის ვალი,
არ მიყვარს ვალი,
                          მე მიყვარს ქალი,
                                                      მივდივარ მთვრალი...
                                                                                        მივდივარ მთვრალი...

                                                                                                            დმ.