ართ ონჯუას ქიკმასერუ,
ცა მურუხეფს კოროცხუნდუ,
ალბათ თე სერ მუმას ელუდუ
თუთარჩელაშ ოროს რძუდუ.

ჭიჭე ვარა გევსურ ვალი,
ყვანეფიშე მარჩქილედუ ვაშა,
დანარჩენი მოსავალი,
არძო მიდურს მაღაზაშა.

ჩქიმდე გლახა მიქ თქუ მიქუ?
არძო მიორს ჭიჭე,რჩინუ,
ოდო ჯიმა ართი ძღაბიქუ,
გურიშ ჭუა გომირჩქინუ...

თე ცხოვრება მა გურს მირენს,
ვამაზინდე თე საწყალი
შემოდგომას ქომიძირეთ,
ოჯალეშ მაფ ოჭყაჭყალი...

ჩქიმ დო თქვანი ყოროფასუ,
ვამაკორდუ შურ დო გური,
დროქ მუდგა იკორობასუ
გურ მოსკიდუნა ჯიმალური...