ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ADOLF KOMUNIST
ჟანრი: იუმორისტული
16 მარტი, 2010


  ჩამოტვირთვა

მოწყენილი ადოლფის ფსიკიკური აშლილობა მარცხნიდან.

მარტის სალამით გესალმებათ თქვენი ადოლფი,
ვიცი რომ მელით მოუთმენლად საიტელები,
მე არამიშავს ჩემთვის ვარ და ვთესავ კარტოფილს,
აი თქვენ კიდევ ვიცი მალე გაითელებით.

და სპეც რეპორტაჟს მოგიწყობენ ჟურნალისტები,
თქვენც იმათსავით სულელ თავებს ნუღარ იმართლებთ,
როგორც პოეტი ვუყურებ რომ ვეღარ იზრდებით
და რითმებიდან იზომება თქვენი სიმაღლე.

"კაცს" - "ტოლმა" როგორ გაურითმა ერთმა პოეტმა,
დღემდე ვიცინი და სიცილით ვეღარ ვხალისობ,
განგებას სურდა ჩემთვის კარგი სტროფი მოერთვა,
მაგრამ მე უფრო ლექსებს ვირჩევ სადღეხვალისოს,

სადედამისო მამამთილის მეხლება ზვირთი,
დღები რბიან, აი მე კი აღარ ვბერდები
და ნიჭიერში მივალ მალე გამცდარი ვირთხით,
ჩითის პერანგით, შორტებით და თეთრი კეტებით.

მივალ და ვიტყვი ისეთ ლექსებს დაუყოვნებლივ
ტაში დამიკრან და მეორე ტურში მიმიღონ,
რადგან ყოველთვის ყველგან ყველას ვჯობდი გონებით,
და ფიალებად ვიყენებდი მკერდის სილიკონს.

მე ასე უქმად დრო არასდროს მომიკლავს ხალხნო,
მაგრამ ვაფრენ და დედამიწა ჩემი ირწევა,
ახლა ვზივარ და მანდარინში ზმნიზედას ვალღვობ,
შემდეგი სტროფი ჩემი ნიჭის დარჩეს მტკიცებად:

დღეს ვისაც უჭირს გამოხატავს ვხედავ ნაკლებად,
ისინიც თქვენებრ დარჩებიან გათელილები,
ვისაც არ უჭირს, სულ ტირის და რა ენაღვლება,
რადგან დამპალ სულს მაგრად უჭერს ოქროს კბილებით.

ასეა, ჰოდა, ჩემო ნოდარ მოკალი გოჩა,
მოკალი ყველა უსინდისო დღე და დანტისტი,
ჩემი მორიგი მონაწერიც ამ სტროფით მორჩა,
საკმარისია ეს წერილი ვგონებ მარტისთვის.

მე არამიშავს ჩემთვის ვარ და ვთესავ კარტოფილს...

კომენტარები ილუსტრაციები რეცენზიები