მოგესალმები მკითხველო,

... და მაინც რა არის ადამიანი, რომ ასეთი თვითდაჯერებულია თავის ნაწარმოებში, რომ მას მკითხველი ეყოლება, მაგრამ ახლა ეგ არ არის მთავარი განხილვის საგანი...შიში მაქვს, რომ ვიღაც გაიცინებს და არასერიოზული თვალით გადახედავს ჩემს პირველ ნაწარმოებს,გაიცინებს და მწარე კრიტიკას დაახლის... არ ვითხოვ ლმობიერებას, მგონი არც არაფერია გასაკრიტიკებელი.
  რატომ უჩნდება ადამიანს სურვილი, რომ თავისი სათქმელი გადმოსცეს სახალხოდ? მე სხვა მიზანი მაქვს. მინდა ავსხნა ეს ფაქტი, მაგრამ არ ვიცი როგორ დავიწყო.ვერავინ მეტყვის ჯერ დაალაგე და მერე დაწერეო, აი, ზუსტად ასე მირჩევნია ვწერო, პირდაპირ, როგორც ტვინი მაწვდის სათქმელს.
თქვენი არ ვიცი, მაგრამ მე მომენტებში საკუთარ თავზე მიჩნდება წარმოდგენა, რომ ძალიან ბავშვური ვარ, არადა 22 წლის გახლავართ და მიუხედავად იმისა, რომ სერიოზულ და მოაზროვნე პიროვნებად მთვლიან, ამ ბავშვურობას ვერ დავაღწიე.იქნებ იმიტომ ვწერ, რომ თვითრწმენა გავიძლიერო, რომ პატარა აღარ ვარ, დახვეწილად ვმსჯელობ და ყველაფერი რიგზეა? პრინციპში, მართალია და ერთ-ერთი ახსნათაგანი ეს არის რატომაც ვწერ.მეორე ის, რომ ვთავისუფლდები სათქმელისგან, სიტყვებისგან რომელიც მინდა მოვყვე და ხშირად ვისაც ველაპარაკები გვერდით იყურება, არ აინტერესებს რაზე ვლაპარაკობ.ძალიან მაწუხებს რომ ადამიანები ერთმანეთს არ უსმენენ, პირადად მე, მაცოფებს რომ საუბრის დროს თვალებში არ მიყურებენ და არაერთხელ ყოფილა შემთხვევა მკაცრად, ირონიურლი სახით მითქვამს, თვალებში მიყურე - თქო! :) რა საინტერესოა ადამიანი იმ მომენტში იცოდეთ ნეტავ :) ერთადერთი რაც მაინტერესებს ისაა, რომ გამაგებია რაც ფიქრობს ამ დროს ჩემზე,ალბათ ათას საზიზღრობას...
  ბევრს აღარ გავაგრძელებ, უბრალოდ მინდა რომ მყავდეს მკითხველი და მივიღო კრიტიკაც და მოწონებაც.მე ვამყარებ კავშირს ადამიანთან და ეს ჩემთვის ბევრს ნიშნავს...მე კაცობრიობას ვემსახურები, მე ვემსახურები სამშობლოს, მე მიყვარს ადამიანი და მინდა ადამიანს ვუყვარდე, თუ არ ვეყვარები, ერთს მაინც ვითხოვ - უბრალოდ, მისმინოს და შემამჩნიოს... გაინტერესებს რას ნიშნავს წყლის საქანელი? ეს მე ვარ, ალბათ ბევრი თქვენგანიც, მაგრამ ძირითადად სახელებით გცნობთ...ჩემი მეგობარი გოგო იმან გააცოფა, რატომ უნდა იყოს ადამიანი ცხოველი და წყლის ბინადარიო? მე ვამაყობ რომ ვარ წყლის საქანელი - მერწყული და მიყვარს ჩემი მკითხველი!