აქ სამართალს გლანდები ამოაჭრეს,
მერე ბლომად წყალი ასვეს, ცივი.
ექიმს უთქვამს _ პური არ აჭამოთო,
ჩახეხავსო, ვერ გაუძლებს ტკივილს.
იცავს ახლა სამართალი დიეტას
ჩუმად არის, ხმას ვერ იღებს წამით,
მის მაგივრად სხვები ლაპარაკობენ,
იფიცებენ _ თეთრიაო შავი.
მაგრამ ახლა რაღაც ეჭვი გამიჩნდა,
ამ ექიმსაც არ ვენდობი საქმით,
იქნებ თვითონ სამრთალი ამოჭრა
და გლანდები გაამგზავრა სახლში.