კვლავ სიყვარული ჩემი მამულის

და სიყვარული ხუთ ჯვრით ალამის

მე კვლავაც ვეტრფი ამ სადღეგრძელოს

და კვლავაც მიყვარს ბოლი წალამის

ჩემო მიწავ და ჩემო წყალო

მუხლმოდრეკილი კვლავაც სალამი

გული კვლავ ვერ ტევს ამდენ სიყვარულს

და კვლავ ავიღე ხელში კალამი

კვლავ ვეტრფი შენ ცას და ვეტრფი შენს მზეს

კვლავ ღამით მოდის ფიქრები შენზე

კვლავ ვეფერები ხეებს და კლდეებს

ბედნიერ გნახო კვლავ მე ვთვლი დღეებს