ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

(სატირულ-იუმორისტული)

ჩეკავს იღბალი კვერცხებს სულ ლაყეს,
მართლა არ მოგწონს? ნუ გაატრაკე...
დალიე ჩაი, სახელად ”ჟენშჩენ”,
ნუ განიკითხავ ცხოვრებას ჩემს შენ!
წელმოწყვეტილი დღეების კოლაჟს
უბრალოდ ვარქმევ ”ცხოვრების სკოლას”.
თავდაყირული ფიქრების ფონზე
მინდა, რომ აზრზე მოვიდე დროზე.
ყოფა ცხოვრებას ნაგავით მივსებს,
ზოგჯერ სწორ ადგილს ვიტეხავ კისერს.
აღარ ვსვამ ყავას სახელად ”დარდი”,
დრო იყო, ჩემს თავს ძალიან ვგავდი...
გონების ფირზე იმ კადრებს ვიჭერ,
როცა უგონოდ მოვწონდი ბიჭებს.
სულ არ მაშინებს ამ ხანის დაზმაც,
ისე, რა მოხდა, ხო, რომ თქვას კაცმა...
ჩემი არ გესმით? -მე მესმის თქვენი...
კარგს დაწუნება "კოჭებში" შვენის.
სულ არ მაშინებს შური და მტრობა,
”კაი ტიპი” ვარ, ლექსზე მეტყობა!
ფიარს, სახელად ”სამოხვალოვას”,
ჩემს თავს ვუკეთებ, როგორც გამოვა.
ჩემთვის რაღაცას ვმიეთ-მოეთობ,
ხან ვჟურნალისტობ, ხანაც ვპოეტობ.
შედეგზე მეტად მიყვარს პროცესი,
სალაპარაკოც მგონი, მოგეცით...
პ.ს.
ცხოვრებას - ფერად რუბიკის კუბიკს,
ხან ავაწყობ და ხანაც სულ დავშლი.
და როგორც ძველად იტყოდნენ კლუბში,
გათავდა კინო, წადითო სახლში...

          18.11.10

.