ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ბესცელერა
ჟანრი: პოეზია
1 იანვარი, 2011


ჩვენი ქვეყანა გაგიჟებულა

გაგიჟებულა თურმე ქვეყანა
მთელი მსოფლიო დაემხო პირქვე
ყვირილი ისმის ბებერ ქუჩებში
გაჯერებულა ტირილით სივრცე.

გაგიჟებულა თურმე ბატონი,
თურმე მსახურიც გაგიჟებულა.
გარდაეცვალა ყველას გონება
დიდი სოპრანო გარინდებულა.

მელანი გაშრა პოეტის მკლავში
მხატვარს ფუნჯები შეახმა ხელში
არტისტს ტყუილის თქმა გაუჭირდა
ღამურა ვეღარ დაფრინავს ბნელში.

გაგიჟებულა ქალიც და კაციც,
დიდი კიარა, პატარა ბავშვიც.
გაგიჟებულა ცუდიც და კარგიც,
ყველა გაგიჟდა- ფხიზელიც, მთვრალიც.

მზე ჩამომჯდარა ცის სვეტზე ბნელში,
მთლად დაეკარგა ქვეყანას ფერი.
ერთი ფასი აქვს ამას და იმას
აღარ ირჩევა: ახალი - ძველი.

გაგიჟებულა მთელი ქვეყანა
სიცილის მეფე ატირებულა.
საქართველოში ცოცხლებს გლოვობენ
თავად გიჟებიც გაგიჟებულან...

კომენტარები ილუსტრაციები რეცენზიები