შემოესივნენ საქართველოს ხვარამზელები,
ურჯულოები ჯალალედინის მეთაურობით,
ასი ათასი ქრისტიანი გაანადგურეს,
უსაშინლესი ბარბაროსულ ძალის სტუმრობით.

სიონის ტაძარს პატრიარქთა საბრძანებელში,
მოხსნეს გუმბათი ზედ დაადგეს ჯალათის ტახტი
და უყურებდა ქრისტიანი ხალხის წამება,
აღარ დაინდო ქალები და პატარა ბავშვი.

გამოაბრძანეს სიონიდან ღვთისმშობლის ხატი,
მაცხოვრის ხატი ხიდზე დადეს და უფრო მარლა,
ბრძანება გასცა: ქრისტიანებს დაედგა ფეხი
და რომ უარყვეს მათი ხოცვა სათვალავს გასცდა.

სისხლით შეღებეს დედამიწა გვამს მტკვარში ყრიდნენ,
ეს უმკაცრესი სისასტიკე წარუშლელია,
ცოდვას დაუსჯელს არ დასტოვებს ძალა უფალი,
ჯალალედინი სიმარტოვეს წაულეკნია.

ბევრი ტკივილი საშინელება თავს დაგვტეხია,
აღუნიშნიათ მსოფლიოში ყველა პატრიარქს,
„ქართველი ხალხი მარად დიდი მორწმუნენი ხართ
და ხელი ღმერთის, გასაჭირში მიტომ გატყვიათ“.

კიდევ იფეთქებს ქართველ შტოში მეფე დავითი,
მისი ამღზრდელი ჭყონდიდელი მარად ქებული,
ცოტნეს ნაირნი, თავის ერის უკვდავ სამყოფად,
თავს გასწირავენ კვლავ დემეტრე თავდადებულნი.\

კვლავ ფეხშიშველი გზას გაიკვლევს მეფე თამარი,
საქართველოში გაბრწყინდება გიორგი მეფე,
კვლავ დაიწყება ამა ქვეყნის მკვდრეთით აღდგენა,
ქართველი ერი წამოდგომას გმირულად შესძლებს!

„ბერწყინვალე მეფე“ ვინც იწამეს „მსოფლიომ გმირად“,
მოღალატეებს კვლავ განდევნის დედამიწიდან,
გაკვირვებული რომის პაპი კიდევ წარმოსთქვამს:
ქართველი მეფე, აღგვის მტრის გულს მიწის პირიდან.