ჩემო უსასრულო ოცნებავ და
ჩემი სურვილების ზეცის კიდევ,
თმებზე მზის სხივები გკოცნიან და
გულზე შენით ცეცხლი მომეკიდა.

ფიქრის მწვერვალებზე აგიყვან და
გრძნობის წაგლეკავენ ქარიშხლები,
გულში სისხლძარღვებად გამეტოტე,
სანამ ატომებად დავიშლები.

შენში გადავწვდები გალაქტიკას,
მოჩანს მოციმციმე ორიონიც,
სულის ჩამოვტეხავ სტალაქტიდებს,
გულში სიყვარულის იონი მაქვს

შენით შეპარული და ბინდდება,
ღამე მოდის ჩუმი საცეცებით,
ვუმზერ მაგ თვალების დაბინდებას,
ახლა მაღლა ცაც ხომ საცერია,

ხოდა ვარსკვლავები ჩამოიცრა,
შენი მკერდის ქიმზე დახალებით,
მერე შენით გულმა გრძნობა იცრა,
როცა შეგამჩნია დაქალება...

წამო დაგპატიჟებ ყავაზე და
შევსვათ ერთი ჭიქა კონიაკიც,
ღამე მოიპარა,ავაზაა,
სადღაც კისკისებენ კონკიები...

                            დმ. 2011წ.