“შენთვის მე ათეისტი ვარ, ღმერთისთვის კი ლოიალური ოპოზიცია” – ვუდი ალენი
მთის ეკლესიაში გნახე
ლოცულობდი
გადასახადების გადამხდელებით სავსე იყო იქაურობა,
მე შენ გაკვირდებოდი
შენ
დაკიდევ შენში შენ
საოცრებაა
სიკეთეს გავდა ეს ყველაფერი
და მე ვინატრე რომ მეც მეწამა ღმერთი
მეც მშინებოდა მისი
და შენსავით მეც შემძლებოდა საგალობლის ხმაზე მეტირა
საკუთარი თავის გამო მეტირა
საკუთარი უსუსურობის გამო მეტირა
მეტირა იმის გამო რომ შენ არ ხარ მერი შელი
და არც მე ვარ პერსი ბილ შელი
ჩვენ ერთად ვერ ვისერნებთ ოკეანეზე და ჩვენი გემი ვერასდროს ჩაიძირება...
თან შენ დიდი ხანია არ ხარ 16 წლის...
როგორც ყოველთვის მარტო ხარ.
მარტო საკუთარ ვნებებთან ემოციებთან და ოცნებებთან
სამწუხაროდ
შენ ოცნება არ შეგიძლია
შენ ფიქრი არ შეგიძლია
შენ სუნთქავ მარტო ისიც დღეგამოშვებით...
და როცა მე გადავწყვიტავ სუნთქვა გასწავლო
და
ერთად
ერთად ვეცადოთ ნისლიანი მოლოდინი უვადოდ დავაპატიმროთ
სწორედ მაშინ ერთად შევალთ
მთის ეკლესიაში
და
მე შენი აღარ შემშურდება...