"ლიანდაგივით სწორი ხაზიო" –
არის გამოთქმა,
ჰოდა, ამ ლიანდაგს მივუყვები
ახლა მარტოკა.

თუმცა, რა მარტო?
მატარებელი სავსეა სულმთლად,
მაგრამ სუყველა თავის თავს დარდობს,
თავისთვის სუნთქავს.

ასე მიგვაქროლებს ელმავალი
დაგუნ–დაგუნით,
თურმე, ფიქრები უკეთ ირევიან
თავში კაკუნით,

ოცდარვა წელი ცხოვრებისა
ცოტა მაღელვებს:
რატომ შეეჩვია ეს ხმაური
ამ მატარებელს?

თუ რელსი სწორია, ბორბალი – მრგვალი,
აბა, რა დახტის?
პასუხს იძლევა წრის ფართობი –
პი ერ კვადრატი! (πR²)
                                      11.02.12